ក្រុម FC Barcelona កំពុងសម្រុកហ្វឹកហាត់ខ្លាំងមែនទែន បន្ទាប់ពីកីឡាករបានប្រមូលផ្ដុំគ្នាបានល្អ ហើយរឿង Lionel Messi ក៏បានចប់សព្វគ្រប់ហើយដែរ។
យ៉ាងណាមិញ ការហ្វឹកហាត់ប៉ុន្មានថ្ងៃមកនេះត្រូវបានគេមើលឃើញថាសម្រុកនិងប្លែកខុសពីគ្រូបង្វឹកដទៃទៀតខ្លាំងណាស់។ កីឡាករទាំងអស់ត្រូវហាត់ច្រើននាទីជាងមុន ហើយក៏ធ្វើការខ្លាំងណាស់ដែរ។ កីឡាករវ័យជ្រេមួយចំនួននឹងពិបាកក្នុងការសម្របខ្លួនជាមួយការហ្វឹកហាត់យ៉ាងខ្លាំងនេះណាស់ ត្បិតអីត្រូវធ្វើការច្រើន ជាពិសេសកាយសម្បទាតែម្ដង។
គ្រប់គ្នានៅក្នុងក្រុម បានដាក់រហស្សនាមលោក Koeman ថាដូចជាពលបាលម្នាក់ក្នុងជួរកងទ័ពទៅហើយ ដែលតម្រូវឱ្យកីឡាករម្នាក់ៗប្រឹងប្រែងខ្លាំងមែនទែន។ គេជឿជាក់ថារដូវកាលថ្មីខាងមុខនេះ ក្រុម Barcelona នឹងបង្ហាញទម្រង់លេងប្លែក ថ្មី ជាងការដឹកនាំរបស់អ្នកចាត់ការកន្លងមកមិនខាន៕
ប្រភព៖ Sabay News
