Ismaila Sarr រកបាន ២ គ្រាប់ខណៈដែលប្រធានក្រុម Troy Deeney បានបន្ថែមគ្រាប់ទី ៣ ក្នុងការបង្ហាញនៅតង់ទី ២ ពីក្រុមម្ចាស់ផ្ទះនៅពេលដែលជ័យជំនះ១៨ប្រកួតជាប់គ្នារបស់ Liverpool ត្រូវបានបញ្ឈប់។
ហង្សក្រហមបានឈ្នះការប្រកួត Premier League ចំនួន ១៨ លើកកន្លងមករបស់ពួកគេនិងមួយផ្សេងទៀតនៅ Vicarage Road នឹងក្លាយជាប្រវត្តិសាស្ត្រដែលជាការឈ្នះបានយូរបំផុតក្នុងលីកកំពូលអង់គ្លេស។ ប៉ុន្តែពួកគេមិននឹកស្មានថាត្រូវតតាំងជាមួយក្រុម Watford ដែលពូកែលេងតាំងពីដំបូងរហូតដល់ចប់ហើយជៀសផុតចេញពីតំបន់កាត់ចោល។ Watfrod មានឱកាសកាន់តែច្រើនក្នុងតង់ទី ១ តែមានការជួយសង្គ្រោះពី Alisson ដើម្បីបដិសេធ Troy Deeney រារាំងពួកគេមិនឱ្យនាំមុខមុនម៉ោងសម្រាក។
ទោះយ៉ាងណា Watford ធ្វើបានសម្រេចនៅពេល Abdoulaye Doucoure បញ្ចូនបាល់ពីឆ្វេងចូលទៅហើយកីឡាករ Ismaila Sarr បានសម្រេចគ្រាប់បាល់នាំមុខដែលគួរចាប់អារម្មណ៍។ គួរបញ្ចាក់ផងដែរថាក្រុមហង្សក្រហម Liverpool បានដេញតាមពីក្រោយក្រុម West Ham កាលពីសប្តាហ៍មុនប៉ុន្តែនៅតែអាចវាយបកយកឈ្នះបាន។
គ្មានអ្វីគួរឱ្យភ្ញាក់ផ្អើលទេដែលថា Watford ទទួលបានអត្ថប្រយោជន៍ទ្វេដង។ កីឡាករ Ismaila Sarr រកបានគ្រាប់បាល់ទី២បញ្ចូលទីដោយមានការគាំទ្រពីកីឡាករ Will Hughes ហើយកីឡាកររូបនេះបានអូសបាល់យ៉ាងលឿនហើយឆ្កឹសផុតដៃ Alisson ចូលក្នុងសំណាញ់ទី។
កាពីទែនក្រុម Deeney បានបញ្ចប់ការទទួលជ័យជម្នះដ៏ល្បីល្បាញមួយដោយរកបានគ្រាប់បាល់ទី៣កាត់សេចក្ដីក្នុងនាទី ទី ៧២។ នេះមិនមែនជាលទ្ធផលដែលនឹងបញ្ឈប់ការដណ្តើមជើងឯករបស់ហង្សក្រហម Liverpool ជាមួយនឹង ២២ ពិន្ទុដែលឈរនៅលើកំពូលគេនោះទេប៉ុន្តែវាគឺជាលទ្ធផលដែលមិននឹកស្មានដល់និងមិនអាចបំភ្លេចបានសម្រាប់ Watford ។
វីដេអូ៖
ប្រភព៖ BBC
