ម្ចាស់ពានរង្វាន់​ខ្សែ​ការពារ​ល្អ​បំផុត​ប្រចាំ​ឆ្នាំ​ Virgil van Dijk បាន​តបន្តកុងត្រា​ថ្មី​បន្ថែមរហូតដល់​ឆ្នាំ២០២៥​ លើ​កុងត្រា​ចាស់​ដែល​នៅ​សល់​ ក្រោយ​លេង​បាន​២​រដូវ​កាល​ដ៏​ជោគជ័យ​ជាមួយ​នឹងក្រុមហង្សក្រហម Liverpool។ កុងត្រា​បន្ថែម​របស់ van Dijk ​នឹង​ធ្វើ​ឲ្យ​ខ្សែ​ការពារ​សញ្ជាតិ​ហូឡង់​ស្នាក់​នៅ​ទឹកដី​ Merseyside ដល់​ឆ្នាំ​២០២៥​ និង​ទទួល​ថ្លៃ​នឿយហត់​២សែន​ផោន​ ខណៈ​ពី​មុន​រូប​គេ​បាន​ត្រឹម​១,២​សែន​ផោន​ប៉ុណ្ណោះ​ក្នុង​១​សប្ដាហ៍​។​

Van Dijk ទើប​ឈ្នះ​ពាន​ UEFA men’s player កាល​ពី​ពេល​ថ្មី​ៗ​ក្រោយ​ជួយ​ Liverpool ឈ្នះ​ UCL រដូវ​កាល​មុន​។ Virgil van Dijk ជាខ្សែ​ការពារ​ទិញ​ពី Southampton តម្លៃ​៧៥​លាន​ផោន​​​ ក៏​ជា​បេក្ខភាព​ឈាន​មុនខក្នុង​ការ​ឈ្នះ​ Best FIFA និង​ Ballon d’Or ផង​ដែរ​សម្រាប់​ឆ្នាំ​២០១៩នេះ៕

គួរបញ្ជាក់ផងដែរថា ​នៅចុងក្រោយ​គេ​បំផុត ​សម្រាប់​ពានរង្វាន់​កីឡាករ​ល្អ​បំផុត​ប្រចាំ​ឆ្នាំ​របស់ UEFA ត្រូវ​ធ្លាក់​ទៅលើ​កីឡាករ Virgil Van Dijk របស់​ក្លិប Liverpool ដោយ​បាន​យកឈ្នះ​កីឡាករ Lionel Mesi និង Cristiano Ronaldo គ្រង​ពាន UEFA Best Men’s POTY រដូវ​កាល​នេះ​តែ​ម្តង​៕