Takumi Minamino កាន់តែទទួលបានការចាប់អារម្មណ៍ពីសំណាក់គ្រូបង្វឹក Liverpool លោក Jurgen Klopp បន្ទាប់ពីកីឡាករអន្តរជាតិជប៉ុនរូបនេះបានបង្ហាញទម្រង់លេងរយៈពេល ៧០ នាទីក្នុងការប្រកួតក្របខណ្ឌ FA Cup ដោយយកឈ្នះ Everton ក្នុងលទ្ធផល ១-០ កាលពីថ្ងៃអាទិត្ត្យសប្តាហ៏មុន។
អតីតខ្សែប្រយុទ្ធ Salzburg រូបនេះនិងក្លាយជាកីឡាករជប៉ុនទី ៩ ដែលមានវត្តមានលេងនៅលីកកំពូលអង់គ្លេសពេល Liverpool ជួប Tottenham នៅថ្ងៃសៅរ៍នេះ។ ខ្សែបម្រើវ័យ ២៤ឆ្នាំរូបនេះ ទទួលបានការចាប់អារម្មណ៍យ៉ាងខ្លាំងផងដែរពីសំណាក់ប្រិយមិត្តគាំទ្រនៅលើទីលានក៏ដូចជានៅលើសកលលោកជាពិសេសគឺទីផ្សារនៅប្រទេសជប៉ុននិងទ្វីបអាស៊ី។
អ្នកជំនាញហិរញ្ញវត្ថុបាល់ទាត់លោក Kieran Maguire និងជាសាស្រ្តាចារ្យ សាកលវិទ្យាល័យ Liverpool បានពណ៌នាថាៈទីផ្សារអាស៊ីអាចជាទីផ្សារអន្តរជាតិធំបំផុតសម្រាប់ក្លឹប Premier League ។ Real Madrid និង Barcelona ជាក្លឹបបាល់ទាត់នៅលីកកំពូលអឺរ៉ុបដែលមានប្រជាប្រិយបំផុតនៅជប៉ុនប៉ុន្តែខ្ញុំគិតថា Liverpool នឹងក្លាយជាក្លឹបបន្ទាប់ពីក្លឹអេស្ប៉ាញទាំងនេះបន្ទាប់ពីនាំយក Minamino មកបណ្តុះបណ្តាល ។
ចំណាយពេល ៤ ឆ្នាំលេងនៅលីកកំពូលអូទ្រីស Minamino រកបាន ៦៣ គ្រាប់ក្នុងការបង្ហាញខ្លួន ១៩២ លើកអោយក្លឹប Salzburg មុនពេលផ្ទេរទៅកីឡាដ្ឋាន Anfield ក្នុងតម្លៃ ៧.២៥ លានផោនជាមួយការបង្ហាញខ្លួនលើកដំបូងធ្វើអោយទស្សនិកជនស្រលាញ់និងតាមដានមើលរាល់សកម្មភាពរបស់គេយ៉ាងជក់ចិត្ត។
ប្រភព:BBC
