កីឡាករសញ្ជាតិអង់គ្លេស Jesse Lingard បាននិយាយប្រាប់អ្នកសារព័ត៌មានកាលពីពេលថ្មីៗនេះថា ក្លឹបបីសាចក្រហម Manchester United មានទម្រង់ល្អមិនសូវទៀងទាត់ ដោយសារតែបញ្ហាសតិអារម្មណ៍។
កីឡាកររូបនេះបានលើកឡើងថា៖ ” វាពិតជាចម្លែកណាស់ ប្រហែលជាបញ្ហាសតិអារម្មណ៍។ ប្រហែលមកពីពេលយើងប៉ះក្លឹបកណ្ដាលតារាង យើងគិតថា យើងឈ្នះការប្រកួតទៅវិញ ” ។
ខ្សែបម្រើ Lingard រូបនេះបានបន្ទៀតតថា៖ ” បើយើងលេងប៉ះនឹងក្លឹបទាំងនោះ ដូចប៉ះ Manchester City ឬ Tottenham Hotspur នោះយើងប្រហែលជាឈ្នះហើយ ប៉ុន្តែជាក់ស្ដែងអត់ដូចអញ្ចឹងទេ។ ដើម្បីយកឈ្នះក្លឹបកណ្ដាលតារាងទាំងនោះ យើងត្រូវតែត្រៀមចិត្ត ត្រៀមកាយដូចពេលប៉ះក្លឹបធំៗដែរ ” ។ ក្លឹបបីសាចក្រហម Manchester United គិតត្រឹមពេលនេះដែរ លេងមិនដែលចាញ់ក្លឹបធំៗទាំង ៦នោះទេ ប៉ុន្តែពេលប៉ះក្លឹបពាក់កណ្ដាលតារាង ឬ ក្លឹបបាតតារាងវិញ United តែងតែទទួលបាន ១ពិន្ទុ ឬក៏ ០ពិន្ទុតែម្ដង៕
