អតីតខ្សែការពារក្រុមអ្នកមានបុណ្យ Barcelona និង ហង្សក្រហម Liverpool លោក Javier Mascherano បានចូលនិវត្តន៍ពីអាជីពបាល់ទាត់ទំាងស្រុងហើយ។ ការសម្រេចចិត្តរបស់កីឡាករអន្តរជាតិអាហ្សង់ទីនវ័យ៣៦ ឆ្នាំរូបនេះធ្វើឡើងបន្ទាប់ពីរូបគេបង្ហាញខ្លួនចូលលេងរដូវកាល២០១៩-២០២០ជាមួយក្រុម Estudiantes នៅប្រទេសកំណើត ។
Mascherano ធ្លាប់បង្ហាញខ្លួនចំនួន ១៤៧ ប្រកួតឱ្យអាហ្សង់ទីនក្រោយចាប់ផ្តើមអាជីពជាលើកដំបូងនៅក្លឹប River Plate មុនពេលផ្លាស់ទៅលេងនៅក្លឹប West Ham ជាមួយមិត្តរួមជាតិ Carlos Tevez ពីឆ្នាំ ២០០៦ ដល់ ២០០៧ ។ប្រកបអាជីពជាមួយ Liverpool រូបគេបានជួបរឿងខកចិត្តក្រោយបរាជ័យការប្រកួតពានរង្វាន់ ទ្វីប អឺរ៉ុបឆ្នាំ ២០០៧ វគ្គផ្តាច់ព្រ័ត្រជាមួយ AC Milan ។
នៅឆ្នាំ២០១០ ដល់ ២០១៨ Mascherano បានចំណាយពេលលេងនៅក្លឹបយក្សកាតាឡាន់ Barcelona និងធ្លាប់ឈ្នះជើងឯកទ្វីបអឺរ៉ុប Champions League ពីរដងនិងលីកកំពូលអេស្បាញ La Liga ៥ ដងក្នុងអំឡុងពេល ៨ ឆ្នាំនៅទឹកដី Camp Nou មុនពេលផ្ទេរទៅលេងនៅលីកកំពូលចិនជាមួយក្លឹប Hebei China Fortune ។
ប្រភព៖ BBC
