បន្ទាប់ពីចាប់ឆ្នោតបែងចែកពូលក្នុងពានរង្វាន់ Champions League កាលពីយប់មិញ Juventus ត្រូវស្ថិតក្នុងពូល G ជាមួយ Barcelona។
រឿងពិសេសដែលគួរឲ្យចាប់អារម្មណ៍នោះគឺ នេះជាលើកដំបូងដែល Lionel Messi លេងទល់មុខ Cristiano Ronaldo ក្នុងវគ្គសន្សំពិន្ទុក្នុងពូលពាន UCL។ ក្នុងពូល G នេះ Barca និង Juventus មានភាគរយខ្ពស់អាចឡើងទៅវគ្គបន្ត ដោយសារពីរក្រុមផ្សេងទៀតដូចជា Dynamo Kyiv និង Ferencvaros ស្ថិតនៅក្រោមកម្រិតរបស់ពួកគេ។
Ronaldo កំពុងតែបន្តភាពខ្លាំងរកគ្រាប់បាល់របស់ខ្លួន ចាប់តាំងពីចូលរួមជាមួយ Juventus ផ្លាស់ពី Real Madrid ក្នុងតម្លៃខ្លួន៨៨លានផោនកាលពីឆ្នាំ២០១៨។ សម្រាប់ Messi ក្នុងទីផ្សារដោះដូរកីឡាករនៅរដូវក្ដៅនេះមានចេញចង់ចេញពី Barca ដែរ។ ប៉ុន្តែក្រោយពីមានដំណោះស្រាយ Messi បានសម្រេចបន្តនៅអេស្ប៉ាញរហូតអស់កុងត្រា។ សម្រាប់ជំនួប Messi ទល់មុខនឹង Ronaldo ជាបំណងប្រាថ្នារបស់អ្នកគាំទ្រ ក្រោយខកខានឃើញពួកគេលេងប៉ះគ្នា២ឆ្នាំមកហើយ។ Ronaldo ធ្លាប់ឈ្នះពាន UCL ៥ដងលើ Messi ម្ដង៕
ប្រភព៖ Sabay News
