ខ្សែប្រយុទ្ធជើងចាស់ក្រុមតោខៀវ កីឡាករ Olivier Giroud ត្រៀមបញ្ចប់ការបន្តលេងនៅក្របខណ្ឌ Premier League ខណៈដែលរូបគេ បានឈានដល់កិច្ចព្រមព្រៀងក្នុងការផ្ទេរទៅលេងនៅលីកកំពូលអ៊ីតាលី SerieA ជាមួយម្ចាស់ ជើងឯក Juventus យោងតាមគេហទំព័រ Sky Sports Italia បានចុះផ្សាយ។

គួរបញ្ជាក់ថាសមាជិកជ័យលាភី World Cup ដែលបានជួយក្រុមមាន់គកបារាំងលើកពានក្នុងឆ្នាំ ២០១៨ នៅប្រទេសរុស្សីវ័យ៣៣ឆ្នាំរូបនេះ ចំណាយពេល ២ រដូវកាលកន្លះចុងក្រោយនៅទឹក Stamford Bridge ក្រោយផ្ទេរពីក្លឹបគូប្រជែង Arsenal កាលពីខែមករាឆ្នាំ ២០១៨កន្លងទៅ ។

សម្រាប់ Giroud ទទួលបានជោគជ័យក្នុងអាជីពគួរសមបន្ទាប់ពីបានចូលរួមជាមួយក្លឹបរួមទីក្រុងទាំង ពីរខាងលើពោលគឺចាប់តាំងពីឆ្នាំ ២០១២ រូបគេបានទទួល ជោគជ័យដោយឈ្នះពានដ៏ចំណាស់របស់អង់គ្លេស FA Cup ចំនួន ៤ ដងនិងពានរង្វាន់ Europa League ចំនួន១ដងកាលពីឆ្នាំ២០១៩។

ប្រភព៖ Goal