ខ្សែប្រយុទ្ធបែលហ្សិកកីឡាករ Romelu Lukaku បានផ្លាស់ទៅកាន់ក្លឹប Inter Milan កាលពីរដូវក្ដៅឆ្នាំ២០១៩ កន្លងទៅ ក្នុងតម្លៃខ្លួនលើសពី ៨០លានដុល្លារ ខណៈខ្សែស្លាប Alexis Sanchez វិញ ផ្លាស់ទៅក្លឹបជាមួយគ្នាដែរ ប៉ុន្តែក្នុងលក្ខខ័ណ្ឌខ្ចីជើង។
កីឡាករ Lukaku នឹង Sanchez បើទោះបីជាលេងក្នុងក្លឹប Inter Milan តែមួយមែន ប៉ុន្តែហាក់បីដូចជាជួបមានវាសនាមិនដូចគ្នាសោះ រីឯខ្សែប្រយុទ្ធ Lukaku ហាក់ដូចជាមានយីអ៊ុន ជាង Sanchez បន្តិច។
ខ្សែប្រយុទ្ធ Lukaku គិតត្រឹមពេលនេះ បានបង្ហាញខ្លួន ២៣ដងគ្រប់ការប្រកួតរបស់ Inter Milan ហើយក្នុងចំណោម ២៣ប្រកួតនោះ កីឡាករបែលហ្សិករូបនេះ រកបាន ១៦គ្រាប់។ ចំណែកឯខ្សែស្លាប Alexis Sanchez វិញ លេងបានតែ ៤ដងប៉ុណ្ណោះ នៅក្នុងការប្រកួតគ្រប់កម្មវិធី ទម្រង់លេងរបស់គេមិនសូវជាល្អសោះ ដោយរកបានតែមួយគ្រាប់ទេ៕
