នៅក្នុងបទសម្ភាសន៍ចុងក្រោយដែលត្រូវបានដកស្រង់ដោយគេហទំព័រ Dailymail Sport អ្នកចាត់ការ សញ្ជាតិបារាំងបញ្ជាក់ដូច្នេះក្នុងសន្និសីទសារព័ត៌មានមុនការប្រកួតមុនការប្រកួត La Liga កាលពីថ្ងៃ ច័ន្ទជាមួយ Athletic Bilbao ថាៈ គឺជារឿងពិសេសបំផុតដែលត្រូវដឹកនាំក្រុម ប្រឈមជាមួយក្លឹប Man.City ក្នុងព្រឹត្តការណ៏ ១៦ក្រុមចុងក្រោយ Champions League។
ខ្ញុំធ្លាប់លេងតទល់ជាមួយគាត់ជាច្រើនដង។ ខ្ញុំគោរពគាត់ក្នុងនាមជាកីឡាករម្នាក់និងក្នុងនាមជាគ្រូបង្វឹក ពីព្រោះខ្ញុំគិតថាគាត់ជាគ្រូបង្វឹកល្អបំផុតនៅលើពិភពលោក។
បច្ចុប្បន្នទាំងលោក Guardiola និងលោក Zidane ជាគ្រូបង្វឹក នាំមុខគេនៅលើពិភពលោក បន្ទាប់ពីលោក Pep Guardiola បានឈ្នះពានរង្វាន់លីគកំពូលចំនួន ៨ ជាមួយក្រុម Barcelona, Bayern Munich និង Manchester City និងChampion League ២ដង ខណៈលោក Zinedine Zidane ចុងក្រោយបានឈ្នះពាន រង្វាន់ Champions League ចំនួន ៣ ដងជាប់គ្នាក្នុងនាមគ្រូបង្វឹក Real Madrid ។
បច្ចុប្បន្ន Real Madrid ឈរនៅចំណាត់ថ្នាក់លេខ២តាមពីក្រោយ Barcelona ២ពិន្ទុគិតត្រឹមសប្តាហ៏ទី១៨ ក្រោយពីស្មើជាមួយ At.Bilbao កាលពីសប្តាហ៏មុន។
