Barcelona បានគ្រងតំណែងកំពូលតារាងក្របខណ្ឌ La Liga នៅសប្តាហ៏ទី៩នេះបន្ទាប់ពីទទួលបានជ័យជំនះជាលើកទី៥ជាប់គ្នា ស្របពេលខ្សែប្រយុទ្ធ ឆ្នើម៣រូបរបស់ខ្លួនគឺ Antoine Griezmann, Lionel Messi និង Luis Suarez រកបានគ្រាប់បាល់ម្នាក់១គ្រាប់ធ្វើឱ្យពួកគេទទួលបានជ័យជម្នះ៣ទល់និង០ លើក្រុមម្ចាស់ផ្ទះ Eibar ក្នុងការប្រកួតកាលពីយប់ថ្ងៃសៅរ៏ម្សិលមិញនេះ ។
រីឯគូប្រជែងដ៏សំខាន់គឺក្រុមអធិរាជស Real Madrid បានខកខានឱកាសបន្ត ឈរលើកំពូលតារាងបន្ទាប់ពីភ្លាត់ស្នៀត ចាញ់ក្រុមម្ចាស់ផ្ទះ Mallorca ១ទល់និង០ ក្នុងការប្រកួត ក្រៅទឹកដីដូចគ្នាផងដែរ។ប៉ុន្តែ Barcelona បានបាត់បង់ Sergi Roberto វ័យ២៧ឆ្នាំ ដោយសាររបួសជង្គង់នៅពាក់កណ្តាលតង់។
ជ័យជំនះរបស់ក្រុមការពារតំណែងជើងឯកនេះបានកើតកើតឡើងមួយថ្ងៃបន្ទាប់ពីការប្រកួតដ៏ធំគឺ El Clasico ដែលគ្រោងនឹងធ្វើនៅចុងសប្តាហ៍ក្រោយជាមួយនឹង Real Madrid ត្រូវបានពន្យារពេល ។
វីដេអូ:
