លោកគ្រូបង្វឹក Zinedine Zidane បានលើកឡើងថា កីឡាកររបស់ក្រុមអធិរាជស Real Madrid ទាំងអស់គឺខ្វះការតាំងចិត្ត បន្ទាប់ក្រុមជើងឯក១៣សម័យប្រកួតបើកឆាកចាញ់ក្លឹបយក្សបារាំង Paris Saint Germain ៣ទល់នឹង០ ដោយមិននឹកស្មាន។
ក្លឹបយក្សអេស្ប៉ាញ Real Madrid ១នេះបានបង្ហាញការលេងអន់មែនទែនកាលពីយប់មិញ ជាពិសេសការទាត់សឹងតែគ្រប់ជើងមិនចំគោលដៅសូម្បីមួយជើង។ គាត់បាននិយាយក្នុងសន្និសីទកាសែតក្រោយចប់ការប្រកួត Zidane លើកឡើងបន្តទៀតថា PSG ល្អជាង Real ពីអ្វីដែលពួកគេបានលេងជាពិសេសក្នុងតំបន់បម្រើ។
ហើយអ្វីដែលធ្វើឲ្យខ្ញុំដែលជាអ្នកដឹកនាំក្រុម Real ទាំងមូលគឺមិនសប្បាយចិត្តទេ ព្រោះពួកយើងមិនបានដាក់ចិត្តលេងឲ្យខ្លាំងក្លាក្នុងការប្រកួតកាលពីយប់មុិញសោះ ហើយនៅកម្រិតនៃការប្រកួតប្រជែងបែបនេះ វាពិជាមិនអាចទៅរួចទេ។ ហើយកីឡាកររបស់ក្រុម Paris Saint Germain បង្កើតឱកាសល្អៗច្រើន តែវាមិនមែនជាអ្វីដែលខ្ញុំព្រួយបារម្ភរទេ។ អ្វីដែលខ្ញុំបារម្ភគឺ ក្រុមខ្វះការតាំងចិត្ត”។ សម្ដីរបស់ Zidane។
មានវីដេអូ:
