ខ្សែប្រយុទ្ធស៊ុយអែតកីឡាករ Zlatan Ibrahimovic បាននិយាយប្រាប់អ្នកសារព័ត៌មានកាលពីពេលថ្មីៗនេះថា បើក្លឹប Manchester United ហៅគេទៅវិញ គេស្វាគមន៍ ប៉ុន្តែក្លឹប LA Galaxy មានរូបគេបាត់ទៅហើយ។
ចំពោះកីឡាករដែលមានវ័យចំណាស់ ៣៧ឆ្នាំរូបនេះបានលើកឡើងថា៖ ” ខ្ញុំអាចលេងនៅ Premier League បានយ៉ាងស្រួល ដូច្នេះប្រសិនបើ Manchester United ត្រូវការខ្ញុំ ខ្ញុំនៅទីនេះ ប៉ុន្តែ Galaxy មានខ្ញុំបាត់ទៅហើយ ” ។
គេបានបន្តថា៖ ” ខ្ញុំបានបញ្ចប់កិច្ចការខ្ញុំនៅទ្វីបអឺរ៉ុបហើយ។ ខ្ញុំរីករាយនឹងលេងនៅទីនោះ ដោយខ្ញុំបានឈ្នះ ៣៣ពាន ហើយសង្ឃឹមថា ខ្ញុំនឹងឈ្នះពាននៅទីនេះ (សហរដ្ឋអាមេរិក) ” ។ គួរបញ្ជាក់ផងដែរថា Zlatan បានចេញពីក្លឹប Manchester United ទៅកាន់ទឹកដីសហរដ្ឋអាមេរិកចំនួន ១៧ខែមកហើយ តាំងពីខែមីនា ឆ្នាំ២០១៨៕
