ម្ចាស់ជើងឯក Ligue១ បារាំងគឺក្រុម PSG បានចាប់ផ្តើមការពារតំណែងជើងឯក របស់ពួកគេកាលពីថ្ងៃអាទិត្យ​ទី១១សីហា ២០១៩ជាមួយ​នឹងជ័យជម្នះប្រកបដោយ​ទំនុកចិត្តលើក្រុម Nimes ទោះអវត្តមាន ខ្សែប្រយុទ្ធឆ្នើម Neymar ក៏ដោយ។៣គ្រាប់សម្រាប់ក្រុមគ្រូបង្វឹកលោក Thomas Tuchel រកបាន​ដោយបាល់ប៉េណាល់ទី​របស់​កីឡា​ករ Edinson Cavani ក្រោយពីអាជ្ញាកណ្តាលពិនិត្យលើប្រព័ន្ ធVAR បានជួយឲ្យក្រុម PSG នាំមុខនៅ នាទីទី២៤មុនពេល Kylian Mbappe ស៊ុតបាល់​បញ្ចូល​​ទីគ្រាប់​បាល់​ទី២នៅនាទីទី៥៦ និងបន្តចែកបាល់អោយ មិត្តរួមក្រុម Angel di Maria រកបាន​គ្រាប់​បាល់​ទី៣នៅនាទីទី៦៩ ។

លោក Leonardo ប្រធានផ្នែកកីឡារបស់ក្រុម PSG បានផ្តល់បទសម្ភាសន៏ មុនថ្ងៃ ប្រកួតថាឪកាសនៃការចាក ចេញរបស់ខ្សែប្រយុទ្ធប្រេស៊ីល Neymar កំពុងតែវិវឌ្ឍទៅមុខ ខណៈដែល​ក្រុមអ្នកគាំទ្រ ​PSG បានលើកបដា កំលុង​​ការប្រកួតកាលពីថ្ងៃអាទិត្យនេះថា: សូមទៅអោយឆ្ងាយ។

លទ្ធផលនេះបានធ្វើអោយក្រុម PSG ដែលបានលើកពានLigue១កាលពីរដូវកាលចាស់ដោយមានគម្លាត ១៦ ពិន្ទុដាច់ កំពុងសម្លឹងឃើញឪកាសឈ្នះជើងឯកLigue១ជាលើកទី ៣ បន្តទៀត។

មានវីដេអូ: