Manchester United បានច្រានចោលការដេញថ្លៃដ៏គួរឱ្យភ្ញាក់ផ្អើលពីក្រុម Everton សម្រាប់កីឡាករ Chris Smalling ។ យោងតាមគេហទំព័រSky Sports បានចុះផ្សាយថាៈ ក្លិបបង្ហាញចេតនា​ចង់បាន ខ្សែការពារ​កណ្តាល​របស់ Man.United វ័យ ២៩ ឆ្នាំក្នុងលក្ខណ្ឌខ្ចីជើងរយៈពេលមួយរដូវកាល យ៉ាងណាមិញ​បិសាច ក្រហម​បាន​ច្រាន​ចោល សំណើរចង់បាននេះយ៉ាងឆាប់រហ័សស្របពេលកិច្ចសន្យារបស់កីឡាករ Smalling ជា​មួយក្លិប​មានសុពលភាពរហូតដល់ ឆ្នាំ ២០២២ ​ឯណោះ។

ផ្ទុយទៅវិញអនាគតរបស់ខ្សែការពារអង់គ្លេសរូបនេះនៅកីឡាដ្ឋាន Old Trafford បានស្ថិតក្នុងភាព​ស្រពិច​ស្រពិលបន្ទាប់ ពីក្លិបបានផ្ទេរយក Harry Maguire ពីក្រុម​​ Leicester City កាលពីដើមសប្តាហ៏នេះ។ Smalling ត្រូវបានអតីតគ្រូ​បង្វឹកក្រុមបិសាចក្រហមលោក Sir Alex Ferguson នាំយកមករួមក្រុមក្នុងឆ្នាំ ២០១០ ហើយ​​បានបង្ហាញខ្លួនជាង ៣០០ ប្រកួតសម្រាប់ក្រុម។

ទោះយ៉ាងណាលោក Ole Gunnar Solskjaer វ័យ ៤៦ ឆ្នាំដែលជាគ្រូបង្វឹករបស់ក្រុមបិសាច ក្រហម​មើលឃើញថា Smalling នៅតែជាកំលាំងការពារដ៏សំខាន់ ជាមួយ Victor Lindelof និង Maguire នៅរដូវ កាលថ្មី។ ការទិញយក Maguire របស់ United បាន ធ្វើឱ្យ Solskjaer មានខ្សែការពារកណ្តាលរហូតដល់ទៅ ៧ នាក់ មានដូចជា Eric Bailly, Marcos Rojo, Phil Jones and Axel Tuanzebe ។