លោក Jose Mourinho ជឿថាបម្រាមផ្ទេរកីឡាករចូលក្លឹប Chelsea នៅរដូវកាល២០១៩-២០២០នេះមិនមែនជារឿងអាក្រក់ពេកនោះទេ។ អ្នកចាត់ការទូទៅសញ្ជាតិព័រទុយហ្គាល់បានលើកទឹកចិត្តដល់គ្រូបង្វឹក Frank Lampard ឲ្យព្យាយាមប្រើប្រាស់កីឡាករវ័យក្មេងកំពុងលេងក្នុងក្រុម ស្របពេលក្លឹបទើបតែនាំយក Christian Pulisic ពី Dortmund និង Mateo Kovacic ពី Real Madrid ផងដែរនោះ។
ទោះយ៉ាងណាលោក Mourinho និយាយសំដៅលើក្លឹបចាស់ និងបានគាំទ្រកីឡាករ ២ នាក់នោះកំពុងមានទម្រង់លេងល្អជាមួយក្រុម។ នៅក្នុងបទសម្ភាសន៏ជាមួយ ទូរទស្សន៍ Sky Sports លោក Mourinho បានប្រាប់អោយដឹងថា៖ ខ្ញុំគិតថាអ្នកចាត់ការបាល់ទាត់ ទាំងអស់នៅលើពិភពលោកចូលចិត្តកីឡាករក្មេងៗចេញពីថ្នាលយុវជន ។
តើអ្នកអាចធ្វើអ្វីខ្លះដើម្បីកែលំអពេលនេះ? ខ្ញុំគិតថា Chelsea ដល់ពេលដាក់អោយខ្សែការពារកណ្តាលដូចជា Kurt Zouma និង Tammy Abraham ចូលលេងគឺគ្រប់គ្រាន់អ្នកមិនចាំបាច់ទិញនិង ចំណាយអ្វីផ្សេងទេ។