ជាថ្មីម្តងទៀតក្រុមJuventus បានដាក់សំណើរកីឡាករឆ្នើម២រូបគឺ១. Paulo Dybala និង Mario Mandzukic បូកនឹងទឹកប្រាក់ចំនួន ១០ លានផោនដើម្បីដាក់សំណើរនំាយកខ្សែប្រយុទ្ធ Lukaku នៅសប្តាហ៍នេះ។ ប៉ុន្តែ​ការ​ទាមទារ ប្រាក់ ឈ្នួលរបស់ Dybala អាចជាឧបសគ្គក្នុង​កិច្ចព្រមព្រៀង​ព្រោះ​គាត់ចង់បាន តម្លៃខ្លួន​ ខ្ពស់​ដូច​ជាកីឡាករ នៅក្រុមMan.United ខណៈMandzukic អាចនឹងបំពេញតួនាទីលេខ ៩ ប្រសិនLukaku ចាកចេញពី Old Trafford ។

ខ្សែ​ប្រយុទ្ធ​បែលហ្ស៊ិកវ័យ ២៦ ឆ្នាំបានធ្វើដំណើរទៅកាន់ទីក្រុងឡុងដ៍ដើម្បីលំហែកាយបន្ទាប់ពីមិនមានឈ្មោះ ក្នុង​ក្រុម​របស់លោក Ole Gunnar Solskjaer ក្នុងជំនួបមិត្តភាពមុនបើករដូវកាលជាមួយក្រុម Kristiansund ។លោក Antonio Conte បានព្យាយាមបញ្ចុះបញ្ចូល Lukaku ប៉ុន្តែ​អាទិភាព ជម្រើសបន្ទាប់គឺ Edinson Cavani របស់ PSG ។

ការដេញថ្លៃលើកទី១សម្រាប់Lukaku ចំនួន ៥៤ លានផោនត្រូវបានMan. United ច្រានចោល​ស្រប​ពេល​ក្រុម​បិសាច​ក្រហម​ចង់​បាន​យ៉ាងហោច​ណាស់ ៧៥ លានផោនពោលគឺសមទៅនិងអ្វីដែ លក្រុម ចំណាយ​ទិញ​រូបគេពី Everton កាលពី ២ ឆ្នាំមុន។Man United ត្រូវជួបជាមួយក្លិបន័រវែស Kristiansund នៅទីក្រុង Oslo ប្រទេសន័រវេ នាយប់ថ្ងៃអង្គារវេលាម៉ោង ៦ ល្ងាចមុនពេលពួកគេជួប AC Milan នៅ Cardiff នាថ្ងៃសៅរ៍ចុងសប្តាហ៏។