លោក Ole Gunnar Solskjaer គ្រូបង្វឹករបស់ក្រុមបិសាចក្រហមបាននិយាយថាក្រុមរបស់លោក បានបង្ហាញនូវទម្រង់លេងធ្លាក់ចុះទៅក្នុងចំនុចមួយដ៏លំបាកបំផុតក្នុងរដូវកាលនេះបន្ទាប់ពីបរាជ័យ ប្រកួត ជើងទី ១ វគ្គពាក់កណ្តាលផ្តាច់ ព្រ័ត្រពានរង្វាន់ Carabao Cup ជាមួយក្លឹបរួមទីក្រុង Man. City នៅទឹកដី Old Trafford កាលពីថ្ងៃ៨មករា ២០២០នេះ។
អ្នកចាត់ការទូទៅសញ្ជាតិន័រវេបានបញ្ជាក់បន្ថែមថាៈ នៅនាទីទី ១៥ ដល់បញ្ចប់ការប្រកួតតង់ទី១ គឺជាពេលវេលាដ៏អាក្រក់បំផុតដែលយើងលេងនៅរដូវកាលនេះ។វាជាឧបសគ្គដែលយើងត្រូវជំនះ និង មិនអាចថយ ក្រោយបានទេ។ ឥឡូវនេះក្រុមទាំងមូលហាក់បីដូចជាកំពុងតែឡើងលើភ្នំមួយយ៉ាងខ្ពស់ដូច្នេះដែរ។
ក្រុមភ្ញៀវមេឃខៀវ Man.City រកគ្រាប់បាល់នាំមុខ ៣-០នៅមុនបញ្ចប់តង់ទីទី១ មុនពេលខ្សែប្រយុទ្ធ អង់គ្លេស Marcus Rashford មានឪកាសវាយបកតាមពីក្រោយ១គ្រាប់នៅតង់ទី២ តែបានបញ្ចប់ ក្នុង លទ្ធផល Man.City ៣ ខណៈ Man.United ១។
ប្រភព: BBC
(វីដេអូ):
