អ្នកចាត់ការក្រុម Manchester City បច្ចុប្បន្នគឺលោក Pep Guardiola ធ្លាប់បានសារភាពថាលោកពិតជាមានសំណាងណាស់ដែលបានបង្វឹកកីឡាករឆ្នើមៗមួយចំនួនមានដូចជាៈ Lionel Messi, Andres Iniesta, Xavi និង Dani Alves កំលុងពេលអ្នកចាត់ការទូទៅអន្តរជាតិអេស្បាញរូបនេះ ដឹកនាំក្រុម FC Barcelona ចន្លោះឆ្នាំ២០០៨-២០១២។
ទោះយ៉ាងណាលោក Guardiola ក៏បានចេញមកធ្វើកំណត់សម្គាល់មួយថាអតីតក្លឹបរបស់លោកគួរតែត្រៀមខ្លួនសម្រាប់បេក្ខភាពកីឡាករដែលនឹងត្រូវស្នងតំណែងកំពូលតារាឆ្នើមគឺ Lionel Messi ស្របពេលរូបលោកជឿថាទម្រង់លេងដ៏អស្ចារ្យរបស់ប្រធានក្រុម Barcelona រូបនេះនៅមិនអាចស្ថិតស្ថេរជារៀងរហូតបាននោះទេ។
លោក Pep បន្តថាៈ ថ្ងៃណាមួយ Messi នឹងចូលនិវត្តន៍ហើយ Barcelona នឹងត្រូវប្រឈមនិងនឹងរឿងនោះ។ អ្វីដែលចាំបាច់ត្រូវត្រៀមកន្លែងសម្រាប់ជំនួសរូបគេដែលក្លឹបធ្លាប់ធ្វើដាក់ Johan និង Kubala ដូច្នេះដែរ។ ហើយអ្វីដែលសំខាន់នោះគឺខ្ញុំគ្មានការសង្ស័យនោះទេ ដែលក្រុមកំពុងត្រៀមរៀបចំធ្វើរឿងនេះជាបណ្តើរៗហើយ។
ប្រភព៖ foxsportsasia
