លោក Teddy Sheringham
លោក Teddy Sheringham បានផ្តល់ដំបូន្មានដល់អតីតមិត្តរួមក្រុមនិងជាគ្រូបង្វឹក Man.United លោក Ole Gunnar Solskjaer គួរតែចុះហត្ថលេខានាំយកខ្សែការពារក្លឹប Leicester City កីឡាករ Harry Maguire មកកាន់កីឡាដ្ឋាន Old Traffrod។ Maguire កីឡាករអន្តរជាតិអង់គ្លេសរូបនេះក៏ត្រូវបានលោក Jose Mourinho ចង់ចុះហត្ថលេខាកាលពីរដូវក្តៅមុនផងដែរ ប៉ុន្តែមិនត្រូវតម្លៃគ្នា ក្រោយក្រុម Leicester City មិនព្រមលក់ក្នុងតំលៃ ៧៥លានផោន។
លោកគ្រូបង្វឹក Ole Gunnar Solskjaer
សម្រាប់ក្លឹបគូប្រជែងគឺលោក Pep Guardiola គ្រូបង្វឹកក្រុម Manchester City គឺជាអ្នកកោតសរសើរ Maguire និងជឿជាក់ថាអតីតកីឡាករ Hull City អាចបំពេញនូវចន្លោះប្រហោងក្រោយការចាកចេញរបស់កីឡាករ Vincent Kompany ដែលបានប្រកាសចាកចេញពីក្លិបកាលពីដើមខែនេះ ក្រោយជួយក្រុមលើកពាន Premier Leaqgue។ ទោះជាយ៉ាងណាក៏ដោយ Sheringham ជឿជាក់ថា Maguire កីឡាករដែលអាចលេងជាបម្រើ-ខ្សែការពាររូបនេះគឺល្អឥតខ្ចោះសម្រាប់អតីតក្រុមរបស់ខ្លួនបំផុត។
ខ្សែការពារក្លឹប Leicester City កីឡាករ Harry Maguire
Teddy Sheringham អតីតខ្សែប្រយុទ្ធក្រុមជម្រើសជាតិអង់គ្លេសបន្តថាៈ ជាការយល់ឃើញរបស់ខ្ញុំ Real Madrid និង Man.City ក៏និងចូលរួមក្នុងការដេញថ្លៃលើរូបគេ តែសម្រាប់ខ្ញុំយល់ឃើញថា Harry Maguire គឺជាមនុស្សម្នាក់សម្រាប់ខ្ញុំ។ មានលក្ខណៈទម្រង់លេងស្រដៀងទៅនឹង Rio Ferdinand ហើយការពារបានយ៉ាងល្អនោះ។ អ្នកត្រូវតែមើលទៅភាពជោគជ័យរបស់ក្រុម Man.United, Arsenal និង Chelsea នាពេលកន្លងមកគឺមានសារៈសំខាន់ចំពោះវត្តមាននៃកីឡាករអង់គ្លេសមួយចំនួននៅតំបន់ការពារ។
អតីតកីឡាករបីសាចក្រហម Teddy Sheringham
