Martin Braithwaite មិនបារម្ភពីការវិលត្រឡប់របស់ខ្សែប្រយុទ្ធចាស់វស្សា Luis Suarez នោះទេ ផ្ទុយទៅវិញរូបគេសង្ឃឹមថានឹងអាចមានឪកាសលេងជាមួយកីឡាករអន្តរជាតិអ៊ុយរូហ្គាយរូបនេះ នៅពេលដែលលីកកំពូល LaLiga នឹងបន្តការប្រកួតដែលនៅសល់នៅសប្តាហ៍នេះ។
កីឡាករអន្តរជាតិដាណឺម៉ាក Braithwaite ត្រូវបានក្លឹបការពារតំណែងជើងឯក La Liga ចុះហត្ថលេខានាំយករូបគេពីក្លឹប Le Ganes មកបំពេញចន្លោះខ្វះខាតរបស់ក្រុមនៅកំលុងខែកុម្ភៈបន្ទាប់ពី Suarez ត្រូវប្រឈមអវត្តមានពេញមួយរដូវកាលក្រោយវះកាត់របួសជង្គង់។ទោះយ៉ាងណា Suarez មានឪកាសព្យាបាលរបួសនិងបង្ហាញខ្លួនសាជាថ្មីបន្ទាប់ពីពីលីគកំពូលអេស្បាញត្រូវបានផ្អាកចំនួន ៣ ខែគិតចាប់តាំងខែមិនាដោយសារបង្ការការឆ្លងរីករាលដាលនៃមេរោគកូវីត-១៩។
Braithwaite បានប្រាប់គេហទំព័រ Goal ថា :ខ្ញុំមិនគិតថាអស់ឪកាសនោះទេ តែខ្ញុំពិតជារីករាយណាស់ដែល Luis ត្រឡប់មកវិញពីព្រោះនៅពេលដែលខ្ញុំមកដល់គាត់រងរបួសហើយយើងនៅតែមិនអាចលេងជាមួយគ្នាបាន ។ ខ្ញុំចង់លេងចាប់ដៃគូជាមួយ Suarez និងរៀនសូត្រពីខ្សែប្រយុទ្ធឆ្នើមម្នាក់នៅក្នុងពិភពលោក។
ប្រភព៖ Sport.es
