ក្លឹបបាល់ទាត់នៅលីគលំដាប់ទី៣ របស់អេស្ប៉ាញ Unionistas de Salamanca ស្រាប់តែនាំគ្នាអបអរដូចលើកពាន បន្ទាប់ពីចាប់ឆ្នោតជួបប្រកួតជាមួយក្រុមយក្ស Real Madrid ក្នុងវគ្គ ៣២ក្រុមចុងក្រោយនៃពានរង្វាន់ Copa del Rey។
កីឡាកររបស់ក្លឹបនៅក្របខណ្ឌ Segunda Division B មួយនេះបានកំពុងមើលការចាប់ឆ្នោតតាមកញ្ចក់ទូរទស្សន៍ ហើយកីឡាករបានចាប់ផ្ដើមលោតចុះឡើង នៅពេលដែលឈ្មោះក្រុមរបស់លោក Zinedine Zidane ត្រូវបានបង្ហាញជាគូប្រកួតជាមួយក្រុមរបស់ខ្លួន។
Unionistas de Salamanca បានយកឈ្នះក្រុម Deportivo de La Coruna របស់ Segunda Division ក្នុងលទ្ធផល ៨–៧ ដោយបាល់ ១១ម៉ែត្រកាត់សេចក្តី បន្ទាប់ពីស្មើ ១–១ ដើម្បីឈានដល់ជុំទី៣ នៃការប្រកួត។ Unionistas នឹងត្រូវបើកទ្វារកីឡដ្ឋានដ៏តូចរបស់ខ្លួនផ្ទុកទស្សនិកជនបានត្រឹម ៣ពាន់នាក់ទទួលស្វាគមន៍ Real Madrid នៅទីក្រុង Salamanca នៅថ្ងៃទី២២ ខែមករានេះ៕
