ខ្សែបម្រើ Danny Drinkwater របស់ក្លិបតោខៀវ Chelsea បានចូលរួមជាមួយក្លិប Aston Villa ក្នុងលក្ខខណ្ឌខ្ចីជើងរហូតដល់ចុងបញ្ចប់នៃរដូវកាលនេះ។
Drinkwater បានបង្ហាញខ្លួនត្រឹមតែ ១២ប្រកួតនៅ Premier League សំរាប់ក្រុមតោខៀវ Chelsea ហើយបានត្រលប់មកក្លឹបវិញនៅខែនេះ បន្ទាប់ពីបញ្ចប់កិច្ចសន្យាខ្ចីជើងនៅ Burnley។
Drinkwater បានបញ្ចប់ការពិនិត្យសុខភាពរួចរាល់ នៅទីលានហ្វឹកហាត់របស់ Aston Villa, Bodymoor Heath កាលពីថ្ងៃអង្គារ។ កីឡាករវ័យ ២៩ឆ្នាំរូបនេះមានធ្លាប់បង្ហាញខ្លួនឲ្យក្រុមជំរើសជាតិអង់គ្លេស ៣ដង និងជួយ Leicester City ឈ្នះ Premier League ក្នុងឆ្នាំ២០១៥–១៦។ ប៉ុន្តែគាត់បានបរាជ័យក្នុងអាជីពនៅ Chelsea បន្ទាប់ពីការផ្ទេរ ៤០លានផោនពី Leicester City ក្នុងឆ្នាំ២០១៧ និងបានចំណាយពេលពាក់កណ្តាលរដូវកាលនេះ ក្នុងនាមជាកីឡាករខ្ចីជើងនៅ Burnley៕
