Romelu Lukaku បានឆ្លើយតបនូវការរិះគន់ពីសំណាក់អ្នកវិភាគកីឡានិងជាអតីតខ្សែការពារ Man.United Gary Neville ថារកេមិនមានវិជ្ជាជីវៈជាកីឡាកររួចមក។ ខ្សែប្រយុទ្ធបែលហ្ស៊ិកវ័យ ២៦ ឆ្នាំរូបនេះក៏បានឆ្លើយតប តាមបណ្តាញសង្គម Twitterជុំវិញករណីនេះបន្ទាប់ពីរូបគេចាកចេញពីកីឡាដ្ឋាន Old Trafford ដើម្បីចូលរួមជាមួយក្លិប Inter Milan នៅក្របខ័ណ្ឌ Serie A ក្នុងតម្លៃ ៧៤ លានផោនក្នុងកិច្ចសន្យា ៥ ឆ្នាំ។
កីឡាករអន្តរជាតិបែលហ្សិករូបនេះ បានប្រាប់ BBC Sport ថា: កុំសង្ស័យលើជំនាញរបស់ខ្ញុំ។ ខ្ញុំស្រលាញ់អាជីពនេះ និងធ្វើអី្វៗដើម្បីក្រុម។ ខ្ញុំព្យាយាមធ្វើអ្វីគ្រប់យ៉ាងដើម្បីកែលម្អចំនុចខ្វះខាតនាពេលកន្លងមក។គាត់អាចរិះគន់ កាយសម្បទារបស់ខ្ញុំប៉ុន្តែគាត់មិនគួរនិយាយថាខ្ញុំអត់មាន វិជ្ជាជីវៈរឺមិនខិតខំប្រឹងប្រែងលេងនោះទេ ព្រោះគ្រូបង្វឹកដែលខ្ញុំធ្លាប់ធ្វើការកន្លងមកតែងនិយាយពីកាយសម្បទាតែមិនបានរិះគន់ដូចគាត់និយាយដូច្នេះទេ ។
អតីតខ្សែប្រយុទ្ធ Chelsea និង West Brom បានផ្ទេរពី Everton មក Man.United ក្នុងតម្លៃ ៧៥ លានផោនក្នុងឆ្នាំ ២០១៧ ដោយរកបាន ៤២ គ្រាប់ក្នុង ៩៦ ប្រកួត ប៉ុន្តែរដូវកាលចាស់ទម្រង់លេងរបស់គេបានធ្លាក់ចុះជាខ្លាំង។បន្ទាប់ពីលោក Solskjaer ចូលមកដឹកនាំក្រុម ជំនួសតំណែងលោក Jose Mourinho រូបគេមិនអាចប្រជែងយកតួនាទីជម្រើ១១នាក់ដំបូងពីកីឡាករខ្សែប្រយុទ្ធវ័យក្មេងអង់គ្លេស Marcus Rashford បាននោះទេ។
