លោក Rafael Benitez បានបដិសេធការលើកឡើងរបស់នាយកប្រតិបត្តិនិង ម្ចាស់ក្លឹបសារិកាព្រៃ Newcastle ដែលបាននិយាយថារូបលោកបានផ្លាស់ចេញពីកីឡាដ្ឋាន ទៅក្រុម Dalian Yifang ដែលស្ថិតក្នុងក្របខ័ណ្ឌ Chinese Super League ដោយសារតែបញ្ហាលុយជាធំបន្ទាប់ពីកិច្ចសន្យារបស់ខ្លួនបានឈានដល់ទីបញ្ចប់កាលពីខែមិថុនា២០១៩កន្លងមក។ ឆ្លើយតបនិងការចោតប្រកាន់នេះអ្នកចាត់ការទូទៅសញ្ជាតិអេស្បាញបានប្រាប់ នាយកគ្រប់គ្រងក្លឹប Newcastle United លោក Lee Charnley ពីមូលហេតុដែលរូបលោកសម្រេចចិត្ត ចាកចេញពីក្រុមនោះគឺមកពីមិនមានជំនឿចិត្តជាមួយថ្នាក់ដឹកនាំតទៅទៀត ក្រោយពីខំបំពេញកាតព្វកិច្ចអស់ រយៈពេល៣ឆ្នាំកន្លងមកនេះ។
ពីការទាមទារប្រាក់ឈ្នួលហួសពីសមត្ថភាពដែលក្លឹបអាចផ្តល់អោយ ហើយទីបំផុតក្លឹបក៏បាន តែងតាំងលោក Steve Bruce ជាអ្នកបន្តវេនដឹកនាំ Newcastle បន្តទៀត។
អតីតអ្នកចាត់អតីតគ្រូបង្វឹក Liverpool,Napoli,Real Madrid លោក Benitez បានប្រតិកម្មយ៉ាងខ្លាំងចំពោះការអត្ថាធិប្បាយរបស់លោក Charnley ដោយប្រាប់ The Athletic ថា:
ខ្ញុំបានព្យាយាមធ្វើឱ្យអស់ពីសមត្ថភាពជា រៀងរាល់ថ្ងៃ ជាពិសេសនៅពេលដែលក្លឹបធ្លាក់ទៅលេងនៅលីក លំដាប់ទី២ (Championship) ខ្ញុំបានបដិសេធសំណើរពីក្លឹបដទៃ ហើយជាសំណើរដែលមានទឹកប្រាក់ច្រើន ជាងក្លឹប Dalian Yifang បានផ្តល់មកខ្ញុំនៅពេលនោះទៅទៀត។ផ្ទុយទៅវិញរដូវកាលថ្មីនេះគោលការរបស់ខ្ញុំគឺ ចង់ទិញចូល កីឡាករដែលមានវ័យត្រឹម២៤ឆ្នាំមករួមក្រុម ប៉ុន្តែថវិកាដែលមានទុកគឺមិនមានគ្រប់គ្រាន់។ដូច្នេះលទ្ធផលចុងក្រោយ គឺមានតែចាកចេញ។
