យោងតាមប្រភពពត៌មាន Record នៅប្រទេសព័រទុយហ្គាល់បានចុះផ្សាយនៅទំព័រមុខថាក្រុមអធិរាជស Real Madrid បានចូលរួមប្រជែងជាមួយ Tottenham និង Man United ក្នុងការដេញថ្លៃដេញ ចុះហត្ថលេខាខ្សែបម្រើ Bruno Fernandes ពីក្លឹប Sporting Lisbon មករួមក្រុមមុនទីផ្សារដោះដូរកីឡាករនៅតំបន់អឺរ៉ុបបិទជាផ្លូវការ។
Fernandes មានទំនាក់ទំនងផ្លាស់មកកាន់ទឹកដី Old Trafford របស់ក្រុមបិសាចក្រហមក្នុងរយៈពេលប៉ុន្មានសប្តាហ៏ចុងក្រោយពោលគឺមុនពេលរដូវកាល English Premier League (២០១៩-២០២០) ចាប់ផ្តើមនៅសប្តាហ៏ក្រោយស្របពេលការផ្ទេរខ្សែបម្រើ Fernandes វ័យ ២៤ ឆ្នាំសញ្ជាតិព័រទុយហ្គាល់រូបនេះនៅជាប់គាំងមិនទាន់បានទទួលចម្លើយឆ្លើយតប តម្លៃ ៧០ លានអឺរ៉ូដែលក្លិប Sporting ចង់បានខណៈដែលក្រុម Tottenham បានបញ្ជូនអ្នក តំណាង ទៅកាន់ទីក្រុង Lisbon កាលពីថ្ងៃព្រហស្បតិ៍ដើម្បីពិភាក្សាអំពីដំនើរការកិច្ចព្រមព្រៀងនេះបន្តទៀត ។
ប្រភពដដែលបានចុះផ្សាយថាសម្រាប់ក្រុម Real Madrid វិញក៏បានចាត់អោយភ្នាក់ងាររបស់ខ្លួនគឺលោក Jorge Mendes បើកការចរចារនៅក្នុងប្រតិបត្តិការណ៏នេះផងដែរ ប៉ុន្តែលទ្ធផលនៃការដាក់ដេញថ្លៃមិនទាន់ត្រូវបានបង្ហើបអោយដឹងនៅឡើយទេ។
មាន Video:
