លោក Zinedine Zidane បានបញ្ជាក់ថាក្លិប Real Madrid កំពុងតែដាក់លក់ Gareth Bale នៅរដូវក្តៅនេះហើយសង្ឃឹមថាកីឡាករអន្តរជាតិវេលនឹងចាកចេញឆាប់ៗផងដែរ។ ខ្សែប្រយុទ្ធស្លាបអន្តរជាតិវេលរូបនេះបានជួបប្រទះនូវព្រឹត្តការណ៏ជូរចត់បំផុតក្រោយការវិលត្រលប់មកដឹកនាំក្រុមសារជាថ្មីរបស់គ្រូបង្វឹកបារាំងរូបនេះ ។

មានក្លឹប៣ដែលអាចជាគោលដៅរបស់Bale ក្នុងការផ្លាស់ទៅចូលរួមនៅរដូវកាល២០១៩-២០២០នេះ

១.Tottenham
Bale អាចនិងពិចារណាផ្លាស់មកកាន់ទ្រនំចាស់Tottenhamវិញ ក្រោយចាកចេញអស់រយៈពេល ស្របពេលឪ
កាសនៃការផ្ទេរមានភាគរយខ្ពស់ប្រសិនជាសាមីខ្លួននិងភាគីក្លឹបបើកការចរចារ។ ម្ចាស់ជើងឯកក្របខ័ណ្ឌ Champions League អាចនិងនាំយកBale មកពង្រឹងនៅតំបន់បម្រើ-ប្រយុទ្ធស្លាប ខណៈ Erik Lamela មានវត្តមាននៅស្លាបស្តាំស្រាប់ ខណៈ Spurs ទើបតែចុះហត្ថលេខានាំយកខ្សែបម្រើកណ្តាល Tanguy Ndombele ពីក្លឹបLyon មកបំពេញតំបន់បម្រើអោយកាន់តែរឹងមាំថែមទៀតនោះ។
2. ក្លិប Bayern Munich

ក្រុមយក្សអាល្លឺម៉ង់អាចនឹងឆ្លៀត ឱកាសដ៏ល្អបំផុតបំពេញការចុះហត្ថលេខានាំយក Bale មករួមក្រុម ដើម្បីប្រកួតប្រជែងពានរង្វាន់ធំៗមានដូចជាក្របខណ្ឌ Champion League និង បន្តការពារតំណែងជើងឯក Bundesliga នៅរដូវកាល(២០១៩-២០២០)នេះ។

ថ្មីៗនេះក្លឹបបានបាត់បង់កីឡាករ ឆ្នើមបំផុតរបស់ខ្លួនដែលបានចំណាយពេលស្ទើរតែមួយទសវត្សរ៍ជាមួយក្លឹបគឺខ្សែបម្រើ-ប្រយុទ្ធស្លាបចាស់វស្សា Arjen Robben និង Franc Ribery ស្របពេល Bale ជាបេក្ខភាពសក្តិសមបំផុតនៅ Allianz Arena ហើយ ខ្សែបម្រើអន្តរជាតិអេស្បាញ Thiago Alcantara បានសម្តែងការពេញចិត្ត និងស្វាគមន៏វត្តមាន Bale នៅលីកកំពូលអាឡឺម៉ង់នេះផងដែរ។

3. Paris Saint Germain
Gareth Bale នឹងមិនមានតំលៃធូរថ្លៃពេកនោះទេ បើទោះបីជា PSG មានកីឡាករដ៏មានទេពកោសល្យលំដាប់ពិភពលោកច្រើនរូបដូចជាៈ Kylian Mbappe និង Angel Di Maria ក្រុមក៏បង្ហាញចេតនាចង់បន្ថែមកម្លាំងដើម្បីប្រជែងពានធំពិសេសពានរង្វាន់កំពូលទ្វីបអឺរ៉ុបសម្រាប់រដូវកាលថ្មី នេះផងដែរ។