ក្នុង​ថ្ងៃ​នេះ​ដែរ ស្ថាប័ន​ La Liga បាន​ប្រកាស​ពី​កាលវិភាគ​របស់​កម្មវិធី​ក្នុង​លីគ​កំពូល​អេស្ប៉ាញ។ ប្រកួត​លីគ​កំពូល​ប្រទេស​នេះ​នឹង​ត្រូវ​ចាប់​ផ្ដើម​ថ្ងៃ​ទី១៨ ខែ​សីហា ឆ្នាំ២០១៩។ នៅ​ថ្ងៃ​ប្រកួត​បើក​ឆាក Real Madrid នឹង​ទៅ​លេង​ក្លឹប Celta Vigo ខណៈ​ក្លឹប Barcelona ក៏​ធ្វើ​ដំណើរ​ទៅ​ប៉ះ​ក្លឹប Athletic Bilbao។

បើ​និយាយ​ពី​ប្រកួត​ El Clasico វិញ នៅ​ជើង​ទី ១ នឹង​ធ្វើ​ឡើង​ក្នុង​ប្រកួត​ទី១០ ដែល​ត្រូវ​នឹង​ថ្ងៃ​ទី២៧ ខែ​តុលា ឆ្នាំ​២០១៩។ ប្រកួត​ជើង​ទី១ នេះ នឹង​លេង​ក្នុង​ទឹកដី​របស់​ក្លឹប​ Barcelona គឺ កីឡដ្ឋាន Camp Nou។ ជើង​ទី២​ វិញ នឹង​ធ្វើ​ឡើង​ក្នុង​ឆ្នាំ​២០២០ ដែល​លេង​ចំ​ប្រកួត​ទី ២៦ ដោយ​ត្រូវ​នឹង​ថ្ងៃ​ទី០១ ខែ​មីនា ឆ្នាំ​២០២០។ ជើង​ទី២ នេះ លេង​ក្នុង​កីឡដ្ឋាន Bernabeu។

កាល​ពី​រដូវ​កាល​ ២០១៩/២០ មាន​ប្រកួត​ El Clasico រហូត​ដល់​ទៅ ៤ដង ដោយ​ក្នុង​នោះ​លេង​ក្នុង​ក្របខ័ណ្ឌ La Liga ២ដង និង​លេង​ក្នុង​វគ្គ​ពាក់កណ្ដាល​ផ្ដាច់​ព្រ័ត្រ​ Copa del Rey។ ក្នុង​រដូវ​កាល​មុន​នេះ ក្លឹប​ Barcelona ឈ្នះ​ ៣ដង ដោយ​ឈ្នះ​ច្រើន​បំផុត​គឺ ឈ្នះ​លទ្ធផល ៥-១ កាល​ពី​ថ្ងៃ​ទី២៨ ខែ​តុលា ឆ្នាំ​២០១៨៕