ក្លឹប Real Madrid បានបង្កើនការខិតខំប្រឹងប្រែងរបស់ពួកគេក្នុងការនាំយកខ្សែបម្រើ Paul Pogba ជាថ្នូរក្នុងការផ្តល់ឱ្យក្រុម Man.United នៅកីឡាកររបស់គេចំនួនបីនាក់ត្រលប់ទៅវិញ។បន្ទាប់ពីទទួលបានការតែងតាំងលោក Zinedine Zidane កាលពីខែមីនា ។
អ្នកចាត់ការទូទៅអន្តរជាតិបារាំងរូបនេះ បានកំនត់គោលដៅសំខាន់មួយសម្រាប់ពង្រឹងតំបន់បម្រើកណ្តាលគឺ Pogba ដែលធ្លាប់ទទួលបានការកោតសរសើរពីសំណាក់គ្រូបង្វឹក Zinidine Zidane និងក្រុម Real Madrid និងមានពាក្យចចាមអារ៉ាមជាបន្តបន្ទាប់ទាក់ទងនឹងការផ្លាស់ទៅកាន់រដ្ឋធានីអេស្ប៉ាញផងដែរ។
ខ្សែបម្រើកណ្តាលរូបនេះបានពើបប្រទះបញ្ហាមួយចំនួននៅឯទឹកដី Old Trafford ទោះបីជាលេងបានយ៉ាងល្អ ក្នុងរយៈពេលដ៏ខ្លីនៅពេលលោក Ole Gunnar Solskjaer បានចូលមកដឹកនាំក្រុមបណ្តោះអាសន្នមុនពេលទទួលបានការតែងតាំងជាគ្រូបង្វឹកអចិន្រ្តៃយ៏ក្តី។
ម្ចាស់ជ័យលាភី World Cup បានប៉ះទង្គិចជាមួយអ្នកគាំទ្រនៅថ្ងៃចុងក្រោយនៃរដូវកាលនេះហើយបើយោងតាមកាសែត Sunday Times ប្រធានក្លឹប Real Madrid លោក Florentino Perez ជឿថាកិច្ចព្រមព្រៀងមួយគឺពិតជាអាចទៅរួច និងបាននិយាយថាគាត់ចង់ជៀសវាងការទូទាត់សាច់ប្រាក់សម្រាប់ខ្សែបម្រើទាំងដុលសម្រាប់ខ្សែបម្រើរូបនេះ និងចង់ធ្វើការដោះដូរកីឡាករ ៣នាក់របស់គាត់ក្នុងការដេញថ្លៃយក Pogba ពីទឹកដី Old Trafford។
កីឡាកទាំង៣រូបមាន ១.ខ្សែបម្រើ Gareth Bale ដែលបានធ្លាក់ចេញពីការពេញចិត្តរបស់ Zidane និង ២. James Rodriguez ដែលវិលត្រលប់ពីការខ្ចីជើងរបស់ Bayern និងចុងក្រោយអ្នកចាំទី ៣.Keilor Navas។ ប្រសិន Pogba សម្រេចកិច្ចព្រមព្រៀងផ្លាស់មកក្របខ័ណ្ឌ La Liga នោះគាត់នឹងចូលរួមជាមួយ Hazard ដែលស្ថិតយ៉ាងប្រកៀកក្នុងការផ្លាស់មកកីឡាដ្ឋាន Estadio Santiago Bernebeu បន្ទាប់ពីរូបគេបានបញ្ជាក់ពីការចាកចេញក្រោយពីជួយ Chelsea ឈ្នះ Europa League រដូវកាល ២០១៨-២០១៩ នេះ។
កីឡាករ ៣រូប ដែលលោក Zidane ស្នើរអោយ Real Madrid ដោះដូរជាមួយ Paul Pogba
អត្ថបទទាក់ទង
