Patrice Evra បានលើកឡើងថាលុយគឺជាចំនុចទាក់ទាញទឹកចិត្តសម្រាប់កីឡាករ Alexis Sanchez ផ្លាស់មក Manchester United ជំនួសឱ្យការទៅលេងនៅ Manchester City។កីឡាករខ្សែបម្រើ-ប្រយុទ្ធរូបនេះបានផ្លាស់ពីក្រុមកាំភ្លើងធំ Arsenal មកកីឡាដ្ឋាន Old Trafford នៅខែមករា ឆ្នាំ២០១៨ និងជាមួយប្រាក់ពលកម្មនឿយហត់ ៥00,000ផោនក្នុងមួយសប្តាហ៍។
ទោះបីជាយ៉ាងណារូបគេ Sanchez បានធ្លាក់ទម្រង់លេងខ្លាំងគឺស៊ុតបញ្ចូលទីមួយគ្រាប់ប៉ុណ្ណោះក្នុងការបង្ហាញខ្លួនចំនួន ២០ប្រកួតនៅក្របខ័ណ្ឌ Premier League ហើយបានរងរបួសក្នុងលទ្ធផលស្មើ ១-១ ជាមួយនឹងក្រុម Huddersfield ដែលត្រូវកាត់ទៅលេងនៅក្របខណ្ឌ Champion Ship។ សរុបមកកីឡាករអន្តរជាតិឈីលី បានរកគ្រាប់បាល់បានត្រឹមតែ ៥គ្រាប់ប៉ុណ្ណោះក្នុងការបង្ហាញខ្លួន ៤៥ប្រកួត ក្នុងរយៈពេល ១៦ខែចុងក្រោយ។
ក្នុងបទសម្ភាសន៍ជាមួយអតីតខ្សែការពារស្តាំ Gary Neville ក្នុងកម្មវិធីទូរទស្សន៏កីឡា Sky Sports អតីតខ្សែការពារឆ្វេងក្រុម Man.United Evra បាននិយាយថា: ប្រាក់ឈ្នួលពលកម្មគឺជាមូលហេតុចម្បង ដែលធ្វើអោយ Sanchez សម្រេចមកទីនេះ។ អតីតកីឡាករអន្តរជាតិបារាំងរូបនេះបន្តថាៈ អ្នកលេងខ្លះមកដើម្បីតែលុយហើយខ្ញុំមិនខ្លាចនិយាយទេ។ ខ្ញុំមិនចង់ និយាយអ្វី ប្រឆាំងនឹងគាត់ទេ ប៉ុន្តែនៅពេលខ្ញុំបានឃើញកិច្ចព្រមព្រៀងនោះហើយជាពេលដែលខ្ញុំគិតថាប្រវត្តិសាស្រ្ត Manchester United បានធ្លាក់ចុះ។ គាត់មានក្រុម Manchester City ផ្តល់ប្រាក់ឈ្នួលតិចជាង ប៉ុន្តែគាត់នឹងអាចអភិវឌ្ឃខ្លួនប្រសើរជាង Man United ហើយលោក Guardiola ក៏នឹងធ្វើអោយគាត់បានរីកចំរើន។ ទីបំផុតអតីតកីឡាករក្រុម Juventus និង Marseille បន្តថាៈ លោក(Sanchez) កុំប្រាប់ខ្ញុំថា Manchester United ជាក្តីស្រម៉ៃតាំងពីនៅវ័យកុមារអោយសោះ។
File photo dated 18-03-2014 of Patrice Evra.
កែសម្រួលដោយ៖ Cambosport
