ក្លឹប Liverpool បានលើកពាន FIFA Club World Cup ដោយបានយកឈ្នះក្លឹបប្រេស៊ីល Flamengo ក្នុងម៉ោងបន្ថែមនានាទីទី៩៨ ក្នុងលទ្ធផល ១-០។
ក្នុងប្រកួត ៩០នាទី ក្លឹបទាំងពីរមានឱកាសស៊ុតគ្នាទៅវិញទៅមក ប៉ុន្តែជាអកុសលមិនមានក្រុមណាមួយអាចបំបែកពងមាន់បានឡើយ។ ខ្សែប្រយុទ្ធប្រេស៊ីល Roberto Firmino ស៊ុតបុកបង្គោល ខណៈខ្សែប្រយុទ្ធ Flamengo មួយរូបស៊ុតយ៉ាងស្អាត តែត្រូវបាន Alission សង្គ្រោះបានយ៉ាងល្អ។
នៅចុងម៉ោងក្នុងនាទី ៩០+ Liverpool ប៊ិះនឹងបានបាល់ពិន័យ ១១ម៉ែត្រ ដោយមានការទាក់ជើងលើខ្សែប្រយុទ្ធសេណេហ្គាល់ Sadio Mane ប៉ុន្តែក្រោយពិនិត្យលើ VAR ហង្សក្រហមបានត្រឹមតែបាល់ Free Kick។
នៅនាទីទី ៩៨ នៃម៉ោង Extra Time ខ្សែប្រយុទ្ធ Firmino ក្រោយបានបាល់ពី Mane បានញាក់ដាច់ទាំងខ្សែការពារ និងអ្នកចាំទី ហើយស៊ុតបំប៉ោងសំណាញ់ទីបានយ៉ាងស្អាត ដែលធ្វើឲ្យ Liverpool ជាក្រុមអង់គ្លេសទី ២ ដែលបានឈ្នះ FIFA Club World Cup៕
