ខ្សែប្រយុទ្ធសញ្ជាតិព័រទុយហ្គាល់ Joao Felix បានប្រាប់ទៅសារព័ត៌មាន Sky Italia កាលពីពេលថ្មីៗនេះថា បំណងប្រាថ្នារបស់ខ្លួននាពេលអនាគត គឺចង់លេងជាមួយនឹងខ្សែប្រយុទ្ធសញ្ជាតិព័រទុយហ្គាល់ដូចគ្នាគឺ Cristiano Ronaldo នៅក្នុងក្លឹបដូចគ្នាថែមទៀតផង។
Felix បានលើកឡើងថា៖ ” គ្មានអ្នកណាអាចដឹងពីអនាគតមុនឡើយ តែទោះជាយ៉ាងណាខ្ញុំចង់លេងជាមួយ Ronaldo ក្នុងក្លឹបតែមួយ។ គាត់តែងតែល្អនឹងខ្ញុំ លើកសរសើរខ្ញុំ ហើយជិតដិតនឹងខ្ញុំមែនទែន។ Felix បានបន្តទៀតថា៖ ” Ronaldo ជាវីរបុរសរបស់ខ្ញុំ ជាមនុស្ស ដែលខ្ញុំគោរពស្រឡាញ់ ហើយខ្ញុំដឹងក្ដីឡើងមើលគាត់លេងរហូត ” ។
គួរបញ្ជាក់ផងដែរថា Felix បានចូលលេងឲ្យ ក្លឹប Atletico Madrid ក្នុងរដូវក្ដៅកន្លងមកនេះក្នុងតម្លៃខ្លួនជាង ១៤០លានដុល្លារ ហើយថ្មីៗនេះគេក៏បានឈ្នះពានរង្វាន់ Golden Boy ផងដែរ៕
