លោក Thomas Tuchel គ្រូបង្វឹក PSG បានបញ្ជាក់ប្រាប់សារពត៌មាននៅថ្ងៃអង្គារនេះថាលោកចង់អោយក្រុម មានភាពក្លាហានតទល់នឹងក្រុម Real Madrid នៅការប្រកួតក្របខណ្ឌ Champions League វគ្គជម្រុះក្នុងពូលនាថ្ងៃស្អែកនេះ។
និងបានក្រើនរំលឹកដល់កីឡាកររបស់ខ្លួនអោយខិតខំប្រឹងប្រែងព្យាយាមរារាំងនិងកុំបណ្តោយអោយពួកគេ គ្រប់គ្រងបាល់បានច្រើនពេកក៏ព្រោះតែអតីតគ្រូបង្វឹក Dortmund រូបនេះបញ្ជាក់ថាពួកគេមានប្រវត្តិធ្លាប់ឈ្នះពានច្រើនដងក្នុងការប្រកួត Champions League។
លោក Tuchel បន្តថាៈខ្សែប្រយុទ្ធ Benzema គឺជាកីឡាករដ៏គ្រោះថ្នាក់បំផុត ដែលយើងត្រូវប្រុងប្រយ័ត្នគ្រប់ពេល យ៉ាងណាមិញខ្ញុំសង្ឃឹមថាអ្នកចាំទី Keilor Navas និង បង្ហាញអារម្មណ៏ស្ងប់ស្ងាត់ព្រមទាំងការលេងប្រកបដោយ ការតាំងចិត្តនៅពេលដែលរូបគេត្រូវលេងប្រឈមជាមួយអតីតក្លឹបរបស់ខ្លួននេះ។
