សមាជិកជ័យលាភីក្របខណ្ឌកំពូលទ្វីបអឺរ៉ុប Champions League ពីរសម័យកាលនិងជាអតីតខ្សែបម្រើ AC Mlian លោក Gennaro Gattuso បានក្លាយជាបេក្ខជនឈានមុខគេដើម្បីក្លាយជាអ្នកចាត់ការទូទៅដំបូងរបស់ ក្រុម Inter Miami ដែលមានម្ចាស់ក្លឹបគឺជាអតីតខ្សែបម្រើស្លាប David Beckham កំពុងសម្លឹងឃើញឪកាសនាំយក អតីតមិត្តរួមក្រុមរបស់គាត់មកដឹកនាំក្លឹបដែលនិងមានវត្តមានលេងនៅលីកកំពូលអាមេរិក Major League Soccer នៅឆ្នាំ២០២០ខាងមុខនេះ។
លោក Gattuso បានលាឈប់ពីតំណែងជាគ្រូបង្វឹកក្រុម AC Milan បន្ទាប់ពីខកខានមិនបានជួយក្រុមចូលរួម វគ្គជម្រុះ Champions League រដូវកាលថ្មីនេះ ។ ក្លឹប Inter Miami ដែលមានមូលដ្ឋាននៅទីក្រុង Miami កំពុង ស្វែងរកអ្នកចាត់ការទូទៅម្នាក់ដើម្បីដឹកនាំក្រុមមុនពេលលេងការប្រកួតដំបូងរបស់ពួកគេចាប់ផ្តើមនៅខែមីនាឆ្នាំក្រោយ។
Beckham និង Gattuso ធ្លាប់ជាមិត្តរួមក្រុម AC.Milan នៅប្រទេសអ៊ីតាលីចន្លោះពីឆ្នាំ ២០០៩ ដល់ឆ្នាំ ២០១០ អំឡុងពេលដែលតារាអង់គ្លេសរូបនេះចាកចេញពីក្រុមអធិរាជស RealMadrid។
