ក្លិប Everton បានបញ្ជាក់កាលពីថ្ងៃចន្ទថា ពួកគេបានចុះហត្ថលេខាជាមួយនឹងខ្សែបម្រើអន្តរជាតិអង់គ្លេស Fabian Delph ពីក្លិប Manchester City ក្នុងកិច្ចសន្យារយៈពេល៣ឆ្នាំ។ ក្លិប Everton មិនបានបញ្ជាក់ពីចំនួនទឹកប្រាក់ដែលពួកគេបានចំណាយសម្រប់កីឡាករវ័យ២៩ឆ្នាំរូបនេះឡើយ ដែលបានចូលរួមជាមួយនឹងក្លិប Man City ពីក្លិប Aston Villa ក្នុងឆ្នាំ២០១៥។

Delph បានលេងការប្រកួតចំនួន៨៩លើកសម្រាប់ក្រុម Man City ដោយបានឈ្នះពានក្របខ័ណ្ឌ Premier League ២លើក។ រូបគេក៏បានបង្ហាញខ្លួនជាអន្តរជាតិសម្រាប់ក្រុមជម្រើសជាតិអង់គ្លេសចំនួន២០លើកផងដែរ។ លោក Marco Silva អ្នកចាត់ការទូទៅរបស់ក្រុម Everton បានប្រាប់គេហទំព័ររបស់ក្លិបថា៖ «នៅពេលដែលខ្ញុំសម្លឹងរកការនាំយកកីឡាករថ្មីម្នាក់ចូលក្នុងក្រុមរបស់យើង រឿងដំបូងគេដែលខ្ញុំមើលមុនគេគឺគុណភាព ហើយ Fabian គឺជាកីឡាករម្នាក់ដែលមានគុណភាពលេងខ្ពស់»។

លោកបានបន្ថែមទៀតថា៖ «ប៉ុន្តែ អ្វីដែលពួកគេអាចនាំទៅកាន់ក្រុមរបស់យើង គឺមានសារសំខាន់ផងដែរ»។ គេហទំព័រនេះ ក៏បានដងស្រង់សម្តីរបស់ Delph ផងដែរ។ កីឡាកររូបនេះបានឲ្យដឹងថា៖ «គ្រប់ពេលដែលខ្ញុំបានលេងការប្រកួតទល់នឹងក្រុម Everton មិនថា លេងនៅលើទឹកដីខ្លួនឯង ឬក្រៅដីក៏ដោយ រឿងដំបូងគេដែលជ្រាបចូលក្នុងចិត្តរបស់អ្នក នៅពេលដែលឃើញពីការស្រេកឃ្លានរបស់អ្នកគាំទ្រ»៕
ប្រភពព័ត៌មាន៖ worldsoccertalk