Cristiano Ronaldo ទើបតែឈ្នះស្បែកជើងមាសនៅលីកកំពូលអ៊ីតាលី Serie A រដូវកាលនេះដោយរកបាន ២៩ គ្រាប់ក្នុង១រដូវកាល។ទោះបីមានកិច្ចសន្យារហូតដល់ខែមិថុនា២០២២ ប៉ុន្តែអនាគតរបស់កីឡាករវ័យ ៣៦ ឆ្នាំនៅទឹកដី Allianz ស្ថិតក្នុងភាពស្រពេចស្រពិលនៅឡើយស្របពេលពត៌មានជាច្រើនបានចុះផ្សាយថារូបគេនិងវិលត្រឡប់ទៅកាន់ក្លិបយុវជនថ្នាល Sporting Lisbon វិញ។
Ronaldo បានសម្តែងការសាទរដល់ក្លឹបគូប្រជែង Inter Milan នៅលើទំព័រ Instagramថាៈ យើងសោកស្តាយដែលមិនអាចការពារតំណែងជើងឯកបាន ប៉ុន្តែសូមអបអរសាទរដល់ Inter Milan ដែលបញ្ចប់រជ្ជកាលឈ្នះជើងឯក ៩ សម័យកាល ជាប់ៗគ្នារបស់ពួកយើង។ខ្ញុំមានមោទនភាពសម្រាប់ការឈ្នះ Italian Super Cup, ItalianCup និងក្នុងនាមកីឡាកររកគ្រាប់បាល់ច្រើនបំផុត បើទោះបីវាជារឿងដែលពិបាកមួយដែលយើងប្រឈម។
កំពូលខ្សែប្រយុទ្ធស្លាបនិងជាម្ចាស់ពានបាល់មាស៥សម័យបន្ថែមថាៈខ្ញុំបាននិយាយរួចហើយថាខ្ញុំមិនដេញតាមកំណត់ត្រាទេតែពេលនេះកំណត់ត្រាដេញតាមខ្ញុំទៅវិញ។ សម្រាប់អ្នកដែលមិនយល់ពីអ្វីដែលខ្ញុំចង់និយាយការពិតរឿងនេះសាមញ្ញងាយយល់ណាស់។ បាល់ទាត់គឺជាការប្រកួតដោយការចូលរួមជាសមូហភាព ប៉ុន្តែវាជាផ្នែកមួយនៃជ័យជំនះក្នុងនាមកីឡាករម្នាក់ៗ ក្រោយពីជួយក្រុមឈានដល់ការសម្រេចគោលដៅ។
ប្រភព៖ Sportsmole
