ខ្សែការពារ David Luiz អាចនឹងត្រូវចាកចេញពីកីឡាដ្ឋាន Emirate Stadium របស់ក្រុមកាំភ្លើងធំ Arsenal នៅចុងបញ្ចប់រដូវកាលនេះ។ខ្សែការពារសញ្ជាតិប្រេស៊ីលវ័យ ៣៣ ឆ្នាំរូបនេះបានផ្លាស់ពីក្លឹបដែលមាន មូលដ្ឋាន រួមទីក្រុងឡុងដ៍គឺតោខៀវ Chelsea មកកាន់ Arsenal នៅដើមរដូវកាល ក្នុងតំលៃ ៨ លានផោន។

អតីតកីឡាករ PSG ធ្លាប់ត្រូវបានក្លឹបប្រកាសជាផ្លូវការណ៏ថាបានចុះកុងត្រារយៈពេល ២ ឆ្នាំជាមួយ Arsenal ក៏ប៉ុន្តែគេហទំព័រSky Sport បានចុះផ្សាយថាៈ Luiz បានយល់ព្រមចុះកិច្ចសន្យាស្នាក់នៅរយៈពេលមួយឆ្នាំដំបូងហើយក្លឹបជើងឯករង Europa League មិនមានគម្រោងបន្តកិច្ចសន្យាសម្រាប់ខ្សែការពារកណ្តាលរូបនេះបន្តនៅជាមួយក្រុមមួយរដូវកាលទៀតនោះទេ។

Luiz បង្ហាញខ្លួនបាន ២៥ ប្រកួតនៅក្របខណ្ឌ Premier League រដូវកាលនេះមុនពេលព្រឹត្តការណ៏ប្រកួតត្រូវបានផ្អាកដោយសារមេរោគកូវីត-១៩ ដោយស៊ុតបញ្ចូលទី ២ គ្រាប់និង Assist បានមួយគ្រាប់ និងបានក្លាយជាកីឡាករយ៉ាងសំខាន់សម្រាប់គ្រូគ្រូបង្វឹក Mikel Arteta ទោះបីមានអាយុច្រើនក៏ដោយ។

ប្រភព៖ Mirror