ក្រុមបាល់ទាត់ Chelsea ត្រូវបានសន្យាក្នុងការផ្តល់ប្រាក់រង្វាន់លើកទឹកចិត្តបន្ថែមចំនួន១០លានផោនប្រសិនបើពួកគេអាចប្រកួតឈ្នះក្រុម Manchester City និងគ្រងតំណែងជើងឯកអឺរ៉ុប Champions League នារដូវកាលនេះបាន ។
៥ លានផោនត្រូវបានគណគ្រប់គ្រងក្លិបផ្តល់ជារង្វាន់ដល់ក្រុមតោខៀវរួចរាល់អស់ហើយនៅពេលដែលពួកគេបានប្រកួតឈ្នះ Real Madrid ម្ចាស់ជើងឯក CL ១៣ សម័យនៅវគ្គពាក់ កណ្តាលផ្តាច់ព្រ័ត្រន្លងមកនេះ។ តែពួកគេនឹងទទួលបានទឹកប្រាក់ទ្វេដងបន្ថែមពោលគឺចំនួន ១០ លានផោនប្រសិនបើក្រុមអាចដណ្តើមពាន UEFA Champions League បានសម្រេច ។
ក្រុមទាំងពីរនឹងត្រូវប៉ះគ្នាវគ្គផ្តាច់ព្រ័ត្រនៅទី ក្រុង Istanbul ប្រទេសទួគីដែលនឹងប្រព្រឹត្តធ្វើឡើងនាថ្ងៃទី ៣០ ខែឧសភានេះ។ វានឹងក្លាយជាពានកំពូលអឺរ៉ុបដំបូងបង្អស់របស់ Manchester City តែវានឹងក្លាយជាពានលើក ទី ២ សម្រាប់ Chelsea ដែលពួកគេធ្លាប់ឈ្នះវាម្តងរួចមកហើយកាល ពី ឆ្នាំ ២០១២។
