សមាជិកថ្មីខ្សែការពារស្លាបស្តាំ Sergino Dest បានសារភាពថាគាត់មិនយល់ពីការពន្យល់ណែនាំរបស់ប្រធានក្រុម Lionel Messi ក្នុងអំឡុងពេលបង្ហាញខ្លួនលើកដំបូងអោយក្រុមអ្នកមានបុណ្យ Barcelona នៅថ្ងៃអាទិត្យសប្តាហ៏មុននេះទេ ។ Dest បានបញ្ជាក់ប្រាប់ក្រោយការប្រកួតថាៈ ពិតជាពិសេសណាស់ក្នុងការលេងរួមក្រុមជាមួយ Messi ទោះបីយើងមានបញ្ហាទំនាក់ទំនងខ្លះផ្នែកភាសា ។

ព្រោះតែគាត់និយាយភាសាអេស្បាញមិននិយាយភាសាអង់គ្លេសនោះទេប៉ុន្តែទោះបីជាបែបនេះខ្ញុំពិតជារីករាយបំផុតដែលបានជួបគាត់។
ខ្សែការពារដើមកំណើតហូឡង់តែមានសញ្ជាតិអាមេរិករូបនេះបានបង្ហាញខ្លួនជាលើកដំបូងក្នុងនាមកីឡាករបម្រុងដោយប្តូរចូលជំនួស ខ្សែការពារ Jordi Alba ក្រោយផ្ទេរពីក្រុមយក្សហូឡង់ Ajax ក្នុងតម្លៃ២១លានយូរ៉ូខណៈម្ចាស់ផ្ទះ Barcelona ប្រកួតស្មើគ្នាជាមួយក្រុមភ្ញៀវ Sevilla។

ទោះយ៉ាងណា Dest កីឡាករវ័យ ១៩ ឆ្នាំដែលមានទេពកោសល្យ និង មានអនាគតវែងឆ្ងាយរូបនេះ បានបង្ហើបប្រាប់ថាខ្លួនបានបដិសេធក្លឹប Bayern Munich ដើម្បីមានឪកាសចូលរួមជាមួយក្លឹបយក្សកាតាឡាន់មុនពេលទីផ្សារដោះដូរកីឡាករបានបិទកាលពីថ្ងៃទី៥ តុលា ២០២០ ម្សិលមិញនេះ។

ប្រភព៖ Goal