ក្រុម Sunderland បានបន្តដុនដាបទៀតនៅក្របខណ្ឌលីគលំដាប់ទី៣ អង់គ្លេសរឺ League One ខណៈបណ្ដេញគ្រូបង្វឹកលោក Jack Ross ចេញពីតំណែងក្រោយ Sunderland បានត្រឹមលេខ៦ ក្នុងតារាងបន្ទាប់ពីលេងបាន ១១ប្រកួត។
លោក Jack Ross បានទទួលតំណែងនេះកាលពីខែឧសភាឆ្នាំមុន និងបានដឹកនាំក្រុមឈានដល់វគ្គផ្ដាច់ព្រ័ត្រ EFL Trophy និងវគ្គ Play-Off, League One រដូវកាលមុន តែចាញ់ Portsmouth និង Charlton។ អ្នកគាំទ្រចាប់ផ្ដើមមិនពេញចិត្តនឹងការដឹកនាំរបស់លោក Jack Ross ក្រោយចាញ់ចុងក្រោយបំផុតចុងសប្ដាហ៍កន្លងទៅ ដោយមានការស្រែកចំអកដាក់គ្រូបង្វឹកធ្វើអោយ Sunderland ធ្លាក់មកលេខ៦ តាមពីក្រោយក្រុមលេខ២ Wycombe ៤ពិន្ទុ និងតាមពីក្រោយក្រុមនាំមុខគេ Ipswich Town ៨ពិន្ទុ។
រំលឹកថា Sunderland បានធ្លាក់ចេញពីក្របខណ្ឌកំពូល English Premier League ក្រោយបញ្ចប់បាតតារាងនៅរដូវកាល២០១៦–១៧។ ធ្លាក់ដល់ក្របខណ្ឌ League Championship, Sunderland បន្តដុនដាបធ្លាក់ដល់ League One ទៀត មុនពេលឈានដល់វគ្គ Play-Off រដូវកាលមុនតែមិនជោគជ័យ៕
