ក្រុមសេះបង្កង់ Juventus បានប្រកួតស្មើជាមួយ Fiorentina ក្នុងលទ្ធផល 0:0 ខណៈ អ្នកចាត់ការទូទៅរបស់ពួកគេគឺលោក Maurizio Sarri បានចាប់ផ្តើមចូលមកដឹកនាំក្រុមជា លើកដំបូង។អតីតគ្រូបង្វឹកក្រុមតោខៀវ Chelsea រូបនេះមិនបានទទួលបន្ទុកដឹកនាំក្រុម ២ លើកកន្លងមក ដោយសារជំងឺរលាកសួត។
Cristiano Ronaldo រកបាន ៤ គ្រាប់ក្នុងការប្រកួតចុងក្រោយរបស់គាត់សម្រាប់ព័រទុយហ្កាល់មិនមានសំណាង រកបានគ្រាប់បាល់សម្រាប់ក្រុមម្ចាស់ជើងឯក SerieA នោះទេ ខណៈ Franck Ribery បានចាប់ផ្តើមការប្រកួត Serie A ជាលើកដំបូងអោយ Fiorentina ក្រោយចប់កិច្ចសន្យាជាមួយក្លឹបយក្សអាឡឺម៉ង់ Bayern Munich ។
Juventus ចាប់ផ្តើមយុទ្ធនាការរដូវកាលថ្មីយ៉ាងល្អក្រោយឈ្នះ២ ប្រកួតដំបូងរបស់ពួកគេ ប៉ុន្តែ មិនមាន វត្តមានកិឡាករ Douglas Costa និង Miralem Pjanic ព្រមទាំង Danilo ដោយសាររបួស។ក្រុម Fiorentina នៅមិនដែលស្គាល់ជ័យជំនះសោះក្នុងការប្រកួត ១៧ លើកចុងក្រោយ ខណៈអ្នកចាត់ការទូទៅលោក Vincenzo Montella បន្តស្វះស្វែងរកជ័យជម្នះក្របខណ្ឌកំពូលអ៊ីតាលី Serie A ជាលើកទី ១ ក្រោយចូលមកកាន់តំណែងជាអ្នកចាត់ការកាលពីខែមេសាកន្លងទៅ។
មានវីដេអូ:
