ខ្សែបម្រើក្រុមតោខៀវ Chelsea កីឡាករ Mateo Kovacic បានបង្ហាញពីភាពខុសគ្នានៃយុទ្ធសាស្ត្រដឹកនាំរបស់គ្រូបង្វឹកបច្ចុប្បន្នលោក Frank Lampard និងអតីតគ្រូបង្វឹកលោក Maurizio Sarri ។
អតីតកីឡាករក្រុម Real Madrid សញ្ជាតិក្រូអាតរូបនេះបញ្ជាក់ថា :គ្រូបង្វឹកថ្មីបានផ្តល់សិទ្ធិឱ្យខ្លួនធ្វើយ៉ាងណាបង្កើនឪកាសគ្រប់គ្រងបាល់បានច្រើន មុននិងបញ្ជូនទៅអោយដៃគូប្រយុទ្ធ ដូច្នេះរូបគេមានអារម្មណ៍ល្អប្រសើរនិងទំនាក់ទំនងជិតស្និទជាមួយមិត្តរួមក្រុម ព្រោះកាលពីរដូវកាលចាស់រូបគេលេងក្នុងលក្ខណ្ឌខ្ចីជើងនិងឪកាសមានកំរិត ដូច្នេះការអភិវឌ្ឃសមត្ថភាពក៏មិនបានល្អដែរ។
ក្រុមតោខៀវ Chelsea ចាប់ផ្តើមរដូវកាលជាមួយជ័យជំនះឈ្នះ១ស្មើ ១ និងចាញ់មួយប្រកួតក្នុងចំណោម ៣ ប្រកួតបើកឆាក។ ពួកគេនឹងត្រូវជួបជាមួយក្រុម Sheffield United នៅ Stamford Bridge សប្តាហ៏ទី៤ខណៈដែលពួកគេកំពុងតែស្វែងរកជ័យជម្នះជាលើកទី ២ ក្រោយចាប់ផ្តើមរដូវកាលថ្មី។
