អ្នកចាត់ការក្រុមហង្សក្រហមលោក Jurgen Klopp បានធ្វើការអំពាវនាវយ៉ាងទទូចដល់ខ្សែបម្រើ Alex Oxlade-Chamberlain រក្សាភាពអត់ធ្មត់ខណៈដែលខ្សែបម្រើរូបនេះជាសះស្បើយពីបញ្ហា របួសជង្គន់ធ្ងន់ធ្ងរនាពេលកន្លងមក ។ កីឡាករអន្តរជាតិអង់គ្លេសដែលធ្លាប់បង្ហាញខ្លួនអោយជម្រើសជាតិ៣២ដង Oxlade-Chamberlain វ័យ ២៦ ឆ្នាំរូបនេះបានបង្ហាញទម្រង់លេងគួរ ចាប់អារម្មណ៍បន្ទាប់ពីបានចូលរួមជាមួយ Liverpool កាលពី ២ ឆ្នាំមុនប៉ុន្តែបានរងរបួសជង្គង់កាលពីខែមេសាឆ្នាំ ២០១៨ ។
អតីតកីឡាករក្រុមកាំភ្លើងធំ Arsenal បានចាប់ផ្តើម ២ ប្រកួតកន្លងមកសម្រាប់ក្រុមម្ចាស់ជើងឯក Champion League ប៉ុន្តែបានប្តូរចេញនៅតង់ទី ១ ក្នុងការប្រកួត UEFA Super Cup ផ្តួល Chelsea និងបន្តបង្ហាញខ្លួនអោយ Liverpool យកឈ្នះក្រុម Southampton និងអាចបង្ហាញខ្លួនលើកទី៣ក្នុងជំនួបទទួលក្លឹបចាស់ Arsenal នៅចុងសប្តាហ៏នេះក្រោយពីពួកគេទាំងពីរ ចាប់ផ្តើមរដូវកាល២ប្រកួតមិនដែលចាញ់ដូចគ្នាផងដែរ។
អ្នកចាត់ការសញ្ជាតិអាឡឺម៉ង់បានបញ្ជាក់ ថាៈគាត់ត្រូវតែអត់ធ្មត់នៅក្នុងពេលនេះ ហើយអ្វីៗក៏ល្អ ១០០ ភាគរយដែរ ។ អ្នករាល់គ្នាដឹងថាគាត់ល្អប៉ុណ្ណាប៉ុន្តែយើងត្រូវប្រាកដថាគាត់អាចបង្ហាញលទ្ធភាពនៅលើទីលានបានកម្រិតណា នៅពេលនេះ ។ ការសម្រេចចិត្តរបស់ខ្ញុំគឺថាពេលណាគាត់ត្រៀមខ្លួនចូលលេងបានពេញលេញ រួចរាល់ហើយនោះវាគឺជាការទទួលខុសត្រូវរបស់ខ្ញុំផងដែរ។
