កីឡាករមុខស្អាតដូចតារា Pich Theang យកឈ្នះអ្នកប្រដាល់កម្ពុជា គង់ សំបូរ ដាច់តែម្ដងនៅសង្វៀន TV5 នាជំនួបមិត្តភាពអន្តរជាតិកាលពីថ្ងៃសៅរ៍ ទី១ ខែមិថុនា ឆ្នាំ២០១៩ កន្លងទៅនេះ។
កីឡាករថៃ Pich Theang
ការប៉ះគ្នារវាងអ្នកទាំងពីរ ជក់ចិត្តនៅ ២-៣ទឹកដំបូង ព្រោះ គង់ សំបូរ របស់កម្ពុជានៅមានកម្លាំង និងចេញអាវុធបានច្រើន មានទាំងកណ្ដាប់ដៃ និងទាត់សងគ្នាទៅវិញទៅមក។ បើនិយាយពីការថៃ Pich Theang គេជាអ្នកប្រដាល់ល្អមួយរូប ធ្លាប់ប៉ះរហូតដល់ ឡៅ ចិត្រា និងចាញ់ឈ្នះពិន្ទុប្រផឹតប្រផើយប៉ុណ្ណោះ។ កីឡាករមុខស្អាតខាងលើនេះ ក៏ជាជើងឯករងខ្សែក្រវាត់នៅសង្វៀនអាស៊ីអាគ្នេយ៍រូបដែរ គឺចាញ់ ឡុង សំណាង ដោយមិនអស់ចិត្តទៀតផង។
គង់ សំបូរ(ក្រហម)
អ្នកលេងគុនថៃរូបនេះ ចេះបិទបានល្អ និងចេញស្នៀតប្រយុទ្ធបានទាំងអស់ កណ្ដាប់ដៃ ទាត់ធ្ងន់ ការចាប់កាចវ៉ៃជង្គង់ រួមនិងបែងជើងផ្ដួល។ គង់ សំបូរ ស៊ូមិនបានជាមួយកីឡាករថៃខាងលើនេះឡើយ ចាញ់ក្បាច់ ចាញ់កម្លាំង ចាញ់ចាប់ និងភ្លាត់ចូលកែងឆក់ឆ្វេងដួលសន្លប់អាជ្ញាកណ្ដាលរាប់ចុងទឹក៣ ថែមទៀតផង។
Pich Theang ពេលឈ្នះ គង់ សំបូរ
រំលឹកដែរថា ការប្រកួតមិត្តភាពអន្តរជាតិអមគូពានរង្វាន់ TV5 ទម្ងន់៥៤គីឡូក្រាម កាលពីថ្ងៃសៅរ៍សប្ដាហ៍មុននោះ គឺ គង់ សំបូរ ចាញ់ពិន្ទុកីឡាករថៃ Pich Theang។ ចំណែក ខេម ចាន់ រួមនិង ឡុង ណងសៅ ដឹកដៃគ្នាឡើងវគ្គពាក់កណ្ដាលផ្ដាច់ព្រ័ត្របន្តទៀតហើយ៕
អ្នកលេងគុនថៃ Pich Theang លេង គង់ សំបូរ ដាច់តែម្ដងនៅសង្វៀន TV5
អត្ថបទទាក់ទង
