អ្នកគាំទ្រគុនខ្មែរកំពុងតែរង់ចាំខ្លាំងហើយមើលទៅ អាចថាឆាប់ឲ្យដល់ម៉ោងប្រកួតបន្តិចរវាងកីឡាករកណ្ដាប់ដៃថ្ម ម៉ឺន សុភា និងជើងខ្លាំងឆ្លងដែនពីថៃ ស៊ីបម៉ឺន យប់នេះនៅសង្វៀនបាយ័នស្ទឹងមានជ័យ កម្មវិធីគូបូតា។
រូបភាពរបស់ រាជបុត្រអាណាចក្រគុនខ្មែរ
ការប៉ះគ្នាយប់នេះរវាងអ្នកទាំងពីរខាងលើនេះ សម្រាប់អ្នកគាំទ្រប្រដាល់សុទ្ធតែមិនអាចស្មានដឹងអំពីលទ្ធផល រឹតតែមិនហ៊ានទស្សន៍ទាយថាចប់៥ទឹកឬក៏អត់ ព្រោះអីទាំងសមត្ថភាព និងកាយសម្បទាគឺប្រហាក់ប្រហែលគ្នាទៀតផង។
ស៊ីបម៉ឺន ពេលឈ្នះ គឹម វាសនា ទឹក១
ម៉ឺន សុភា ល្អកណ្ដាប់ដៃ និងពូកែទាត់ក្រោមធ្ងន់ ខណៈអ្នកលេងគុនថៃ ស៊ីបម៉ឺន មានប្រវត្តិឈ្នះ កងមឿងឆាង និងថៃខ្លាំងៗមួយចំនួនទៀត។ ការបង្ហាញមុខលើកដំបូង ចំណាយពេលមិនដល់១ទឹកផង ទាត់ផ្កាប់ចានកីឡាករកម្ពុជា គឹម វាសនា សន្លប់បាត់មាត់ឈឹង អាជ្ញាកណ្ដាលមិនទាំងរាប់ផង។ ដូច្នេះយប់នេះដឹងតែកក្រើកហើយ ព្រោះ ម៉ឺន សុភា វិលចូលសង្វៀនវិញសមត្ថភាពរីកចម្រើនជាងមុនទៅទៀត។
ការប្រកួតរវាង ម៉ឺន សុភា និង ស៊ីបម៉ឺន នឹងចាប់ផ្ដើមពីម៉ោង៧យប់តទៅនៅសង្វៀនបាយ័នស្ទឹងមានជ័យ ហើយក៏មានឡាយលើផេក bayon & btv boxing ផងដែរ៕
Credit: Sabay
ចប់៥ទឹក ឬអត់ទេយប់នេះ? ម៉ឺន សុភា ប៉ះ ស៊ីបម៉ឺន ខ្លាំងជួបខ្លាំងបែបនេះ
អត្ថបទទាក់ទង
