ក្លឹបអាល្លឺម៉ង់ Borussia Dortmund បានប្រកាស ពួកគេទិញបានខ្សែប្រយុទ្ធវ័យក្មេង Erling Braut Haaland ពីក្លឹប Red Bull Salzburg ក្នុងតម្លៃទិញផ្ដាច់កុងត្រា២០លានអឺរ៉ូ។
កីឡាករវ័យ១៩ឆ្នាំសញ្ជាតិន័រវែសបានចុះកុងត្រាជាមួយ Dortmund ដល់ឆ្នាំ២០២៤។ Haaland រកបាន១៦គ្រាប់ក្នុងការប្រកួតខ្លួន១៤ប្រកួតក្នុងលីគកំពូលរបស់អូទ្រីសក្នុងរដូវកាលនេះ និង៨គ្រាប់នៅ Champions League ឈរលេខ២ជាអ្នកទាត់ចូលទីច្រើនជាងគេក្នុងព្រឹត្តិការណ៍នេះ។
ពាក្យលេចឭជាច្រើន Haaland អាចនឹងផ្លាស់ទៅ Manchester United ឬ Juventus មុនចូលរួមជាមួយ Dortmund។ ទាក់ទិននឹងរឿងនេះ Haaland លើកឡើងថា វាគឺជាអារម្មណ៍ត្រឹមត្រូវតាំងពីដំបូងដែលគេសម្រេចចិត្តថានឹងមក Dortmund និងលេងក្នុងបរិយាកាសមិនគួរឲ្យជឿចំពោះមុខអ្នកគាំទ្រជាង៨ម៉ឺននាក់៕
