ការវិលត្រឡប់របស់ Paul Pogba មកកាន់ Manchester United នឹងត្រូវពន្យារពេល បន្ទាប់ពីខកខានការហ្វឹកហាត់រយៈពេល ២ថ្ងៃដោយសារតែមានជំងឺ។ ខ្សែបម្រើសញ្ជាតិបារាំងរូបនេះត្រូវបានគេរំពឹងថា នឹងវិលត្រឡប់មកហ្វឹកហាត់វិញនៅសប្ដាហ៍នេះ បន្ទាប់ពីជាសះស្បើយពីរបួសកជើងតាំងពីខែកញ្ញា។
Pogba លេងបានតែ ៦ដងប៉ុណ្ណោះក្នុងរដូវកាលនេះ ដោយតម្រូវឱ្យមានការវះកាត់ដើម្បីកែបញ្ហាកជើង។ Solskjaer ដែលក្រុមរបស់ខ្លួនមានការប្រកួតវគ្គ ១/៤ផ្ដាច់ព្រ័ត្រនៅឯផ្ទះរបស់ក្រុម Colchester នៅលីគទី២ នៅថ្ងៃពុធនេះ បានច្រានចោលនូវព័ត៌មានដែលថា ក្រុមរបស់គាត់គ្មានបញ្ហាឡើយទោះគ្មាន Paul Pogba។
ក្រុមបីសាចក្រហម Manchester United នាចុងសប្ដាហ៍កន្លងទៅបានខកខាន ចំនួន៣ពិន្ទុក្នុងទឹកដីរបស់ខ្លួនឯងបន្ទាប់ពីធ្វើការប្រកួតគ្នាបានត្រឹមស្មើ ១–១ ប៉ុណ្ណោះទល់នឹងក្រុមភ្ញៀវ Everton៕
