នៅទីបំផុតក្រុមសេះបង្កង់ Juventus បានសម្រេចដាក់លក់ខ្សែបម្រើ-ការពារឆ្វេង Douglas Costa នៅក្នុងទីផ្សារដោះដូរកីឡាករ បន្ទាប់ពីកីឡាករអន្តរជាតិប្រេស៊ីលរូបនេះមួយរយៈចុងក្រោយ តែងតែមាន បញ្ហារបួសជង្គង់ជាញឹកញាប់យោងតាមគេហទំព័រ Goal បានអះអាង។ក្រុមបិសាចក្រហម Man. United គឺជាក្លឹបដែលកីឡាករវ័យ ២៩ ឆ្នាំរូបនេះចាប់អារម្មណ៏និងមានទំនាក់ទំនងនាពេលកន្លង ហើយទោះបីស្ថិតក្នុងស្ថានភាពបែបនេះក៏ រូបគេកាន់តែមានចាប់អារម្មណ៍កាន់តែខ្លាំងជាពិសេសពីក្លឹប មួយចំនួនដែលកំពុងមានវត្តមានលេងនៅលីកកំពូលប្រទេសអារ៉ាប់រួម។

ទោះយ៉ាងណា Costa បង្ហាញអារម្មណ៏មិនចង់ចាកចេញពីក្លឹបដែលមានមូលដ្ឋាននៅទីក្រុងទូរីន នៅឡើយទេ ដោយនៅចង់បង្ហាញពីសមត្ថភាពដែលខ្លួនឯងមានជាមួយក្លឹប ក្រោយជួយក្លឹបឈ្នះពាន SerieA ៣ឆ្នាំចុងបន្ទាប់ពីបញ្ចប់លក្ខខណ្ឌខ្ចីជើងរយៈពេល ២ ឆ្នាំនៅក្របខ័ណ្ឌ Bundesliga ជាមួយ Bayern Munich ។

រដូវកាលចាស់ទោះជួបរឿងមិនសមប្រកបដោយសារបញ្ហារបួសប៉ុន្តែ Costa នៅតែអាចចូលលេងបាន ២៩ ប្រកួត សម្រាប់ក្រុមជើងឯកអ៊ីតាលី ដោយ រកបាន ៣ គ្រាប់នៅគ្រប់ក្របខណ្ឌប្រកួតទាំងអស់ព្រមទំាងចែកបាល់អោយមិត្តរួមក្រុមស៊ុតបញ្ចូលទីបាន៧ដងផងដែរ ។

ប្រភព៖ Goal