ក្លិបបាល់ទាត់ជប៉ុន Vissel Kobe បានរង់ចាំ ៥៤ឆ្នាំហើយដើម្បីឈ្នះពាន Emperor Cup នេះ ស្របពេលជាការប្រកួតចុងក្រោយរបស់ជ័យលាភី World Cup អេស្ប៉ាញ David Villa ដែលបានប្រកាសចូលនិវត្តន៍។
មិត្តរួមក្រុមដែលធ្លាប់រួមរស់ជាមួយគ្នានៅ Barcelona,Andres Iniesta និងខ្សែប្រយុទ្ធអាល្លឺម៉ង់ Lukas Podolski គឺជាអ្នករកគ្រាប់បាល់ម្នាក់មួយគ្រាប់យកឈ្នះ Kashima Antlers ក្នុងលទ្ធផល ២–០ ក្នុងវគ្គផ្ដាច់ព្រ័ត្រ ខណៈ David Villa បានចូលលេងក្នុងនាទីចុងក្រោយ។ វាក៏ជាការប្រកួតដំបូងដែលត្រូវបានរៀបចំឡើង នៅពហុកីឡដ្ឋានជាតិទីក្រុងតូក្យូដែលត្រូវបានសាងសង់ សម្រាប់ព្រឹត្តិការណ៍អូឡាំពិកឆ្នាំនេះ។
ម្ចាស់ក្រុមហ៊ុន Kobe លោក Hiroshi Mikitani បានវិនិយោគយ៉ាងច្រើននៅក្នុងក្លឹបនាប៉ុន្មានឆ្នាំថ្មីៗនេះ ដោយនាំយកកីឡាករល្បីៗមកទទួលប្រាក់ឈ្នួលខ្ពស់ ក្នុងគោលបំណងដើម្បីឈ្នះពាន។ Vissel Kobe ក៏មានការចូលរួមពីអតីតខ្សែការពារក្រុម Arsenal និងកីឡាករខ្សែការពារ Thomas Vermaelen និងអតីតខ្សែបម្រើ Sergi Samper របស់ក្រុម Barcelona ផងដែរ៕
