គ្រូបង្វឹកថ្មីក្រុមគោជល់អេស្បាញលោក Robert Moreno បានបង្ហាញឈ្មោះជាផ្លូវការណ៏សម្រាប់កីឡាករជ្រើសរើសកីឡាករ ២៣ នាក់សម្រាប់ការប្រកួត ជម្រុះយូរ៉ូ ២០២០ ជាមួយរ៉ូម៉ានីនៅថ្ងៃទី៥កញ្ញា ២០១៩ និងកោះហ្វារ៉ូនៅថ្ងៃទី ៨ ខែកញ្ញា២០១៩។ ក្នុងនាមជាគ្រូបង្វឹកបណ្តោះអាសន្នមុនទទួលបានការតែងតាំងជាផ្លូវការណ៏លោក Moreno ធ្លាប់ដឹកនាំក្រុមបាន ៣ លើកនិងទទួលបានជ័យជំនះទាំង៣ដងផងដែរ។
សហព័ន្ធបាល់ទាត់អេស្បាញ RFEF បានចេញផ្សាយបញ្ជីឈ្មោះក្រុមជម្រើសជាតិតាមប្រព័ន្ធអ៊ិនធឺរណែតបន្ទាប់ពីបានលុបចោលសន្និសីទសារព័ត៌មានដែលបានគ្រោងទុកក្រោយហេតុការណ៏ដំណឹងដ៏ក្រៀមក្រំពីមរណៈភាពកូនស្រីរបស់អតីតគ្រូបង្វឹកអេស្បាញលោក Luis Enrique ដែលបានចែកឋានដោយសារជម្ងឺមហារីកក្នុងវ័យ៩ឆ្នាំកាលពីថ្ងៃសុក្រ។
១.អ្នកចាំទី De Gea, Kepa, Pau López, ២.ខ្សែការពារ Gayà, Jordi Alba, Carvajal, Mario hermoso, Unai Núñez, Sergio Ramos ៣.ខ្សែបម្រើ Llorente, Jesús Navas, Parejo, Sergio Busquets, Rodri, Thiago, Saúl, Fabián, Suso,Ceballos,Rodrigo៤.ខ្សែប្រយុទ្ធ Sarabia, Paco Alcácer, Oyarzabal ។
